റിയാദ്: യമനിൽ ദുരിതാശ്വാസ ക്യാംപിന് നേരെ വിമത വിഭാഗമായ ഹൂതികൾ നടത്തിയ മിസൈലാക്രമണത്തിൽ ഒരാൾ മരിക്കുകയും നിരവധി പേർക്ക് പരിക്കേൽക്കുകയും ചെയ്‌തു. ഹുദൈദയിലെ കിംഗ് സൽമാൻ ഹ്യുമാനിറ്റേറിയൻ എയിഡ് ആൻഡ് റിലീഫ് സെന്ററിന്റെ നേതൃത്വത്തിൽ ബനീ ജബീർ ക്യാംപിലേക്കാണ് ഹൂതികൾ ആക്രമണം നടത്തിയത്. ആക്രമണത്തിൽ വനിതയാണ് കൊല്ലപ്പെട്ടത്.

 

പരുക്കേറ്റവരിൽ പലരുടെയും നില ഗുരുതരമാണ്. മനുഷ്യാവകാശ ലംഘനങ്ങളാണ് ഇറാൻ അനുകൂല ഹൂതികൾ യമനിൽ നടത്തുന്നതെന്നും അന്താരാഷ്‌ട്ര ലംഘനമാണിതെന്നും കിംഗ് സൽമാൻ ഹ്യുമാനിറ്റേറിയൻ എയിഡ് ആൻഡ് റിലീഫ് സെന്റർ വാർത്താ കുറിപ്പിൽ പറഞ്ഞു.