എല്ലാം ശരിയാക്കും എന്നു വീമ്പിളക്കിയാണ് പിണറായി സര്‍ക്കാര്‍ അധികാരത്തിലേറിയത്. എന്നാല്‍, വര്‍ഷം ഒന്ന് കഴിഞ്ഞിട്ടും നേരായവിധം മന്ത്രിസഭ പോലും ശരിയാക്കാനായില്ല.
ഒരു വര്‍ഷം തികയുന്നതിന് മുമ്പ്  തന്നെ രണ്ടു മന്ത്രിമാരാണ് രാജിവയ്‌ക്കേണ്ടി വന്നത്. ചരിത്രത്തിലാദ്യമായ് എസ്.എസ്.എല്‍.സി പരീക്ഷ മാറ്റി നടത്തി എന്ന ഖ്യാതിയും പിണറായി സര്‍ ക്കാരിന് സ്വന്തം.
സര്‍ക്കാരിന്റെ ആദ്യ തീരുമാനങ്ങളിലൊന്നാണ് റേഷന്‍ കാര്‍ഡ് പരിഷ്‌കരണം. എന്നാല്‍, തെറ്റ് തിരുത്തിയ റേഷന്‍ കാര്‍ഡിലെ തെറ്റ് കണ്ടാല്‍ അമ്പരന്നു പോകും. പോരാത്തതിന് റേഷനരിയുടെ അളവിലും വന്‍കുറവ് വരുത്തിയിരിക്കുന്നു.
വിദ്യാഭ്യാസ, ആരോഗ്യ, ഗതാഗത മേഖലകളിലെ ദയനീയാവസ്ഥ പറയാതിരിക്കുകയായിരിക്കും ഉത്തമം. ഇത്തരത്തിലാണ് ഇനിയുള്ള നാലു വര്‍ഷത്തെ ഭരണമെങ്കില്‍ കേരളം ഇത്രനാളു കൊണ്ട് ഉണ്ടാക്കിയെടുത്ത സല്‍പ്പേര് തകര്‍ന്നടിയാന്‍ ഹേതുവാകും. തീര്‍ച്ച!