ഇരിട്ടി: യൂത്ത്‌കോണ്‍ഗ്രസ് നേതാവ് ജിജോ പുളിയാനിക്കാട്ടിനെ വധിക്കാന്‍ ശ്രമിച്ച കേസില്‍ ഒരു സി.പി.എം പ്രവര്‍ത്തകന്‍കൂടി അറസ്റ്റിലായി. വട്ട്യറ കോളിക്കടവിലെ അജയ്(36)നെയാണ് ഇരിട്ടി സി.ഐ രാജീവന്‍ വലിയവളപ്പില്‍ അറസ്റ്റ് ചെയ്തത്. കേസില്‍ പ്രതികളായ സി.പി.എം പ്രവര്‍ത്തകരായ ജയചന്ദ്രന്‍, ഷിതു, ധനേഷ് ഇതിനകം അറസ്റ്റ് ചെയ്തിരുന്നു. കേസില്‍ നാല് പ്രതികളാണ് ഉള്ളതെന്നും ഇതോടെ പ്രതികളുടെ അറസ്റ്റ് പൂര്‍ണമായതായും ഇരിട്ടി സി.ഐ പറഞ്ഞു.