HOME
DETAILS

ജലസംരക്ഷണത്തിന് റെയിന്‍ ആര്‍മി

  
backup
May 29 2017 | 21:05 PM

%e0%b4%9c%e0%b4%b2%e0%b4%b8%e0%b4%82%e0%b4%b0%e0%b4%95%e0%b5%8d%e0%b4%b7%e0%b4%a3%e0%b4%a4%e0%b5%8d%e0%b4%a4%e0%b4%bf%e0%b4%a8%e0%b5%8d-%e0%b4%b1%e0%b5%86%e0%b4%af%e0%b4%bf%e0%b4%a8%e0%b5%8d%e2%80%8d



കണ്ണൂര്‍: ജലസംരക്ഷണ പ്രവര്‍ത്തനങ്ങളുടെ ഭാഗമായി ജില്ലയില്‍ കിണര്‍ റീചാര്‍ജിങ് സംവിധാനമൊരുക്കാനായി കുടുംബശ്രീ ആവിഷ്‌ക്കരിച്ച റെയിന്‍ ആര്‍മിയുടെ ജില്ലാതല പരീശീലനത്തിന് തുടക്കമായി. മുണ്ടേരി പഞ്ചായത്ത് ഹാളില്‍ ജില്ലാ പഞ്ചായത്ത് പ്രസിഡന്റ് കെ.വി സുമേഷ് ഉദ്ഘാടനം ചെയ്തു. പഞ്ചായത്ത് കോംപൗണ്ടിലെ കിണറിന് റീചാര്‍ജിങ് സംവിധാനം ഒരുക്കിയാണ് പരിപാടി സംഘടിപ്പിച്ചത്.
എ. പങ്കജാക്ഷന്‍, മേയര്‍ ഇ.പി ലത, കൊളച്ചേരി പഞ്ചായത്ത് പ്രസിഡന്റ് കെ.സി.പി ഫൗസിയ, രാമകൃഷ്ണന്‍, ഡോ. എം. സുര്‍ജിത്, പി. സലാം സംസാരിച്ചു. ഓരോ പഞ്ചായത്തില്‍ നിന്നും തിരഞ്ഞെടുക്കപ്പെട്ട പത്തു വീതം കുടുംബശ്രീ പ്രവര്‍ത്തകര്‍ക്ക് പ്രത്യേക പരിശീലനം നല്‍കിയാണ് റെയിന്‍ ആര്‍മിക്ക് രൂപം നല്‍കുന്നത്. കണ്ണൂര്‍, എടക്കാട് ബ്ലോക്കുകള്‍ക്ക് കീഴിലുള്ള പഞ്ചായത്തുകളില്‍ നിന്ന് തെരഞ്ഞെടുക്കപ്പെട്ട 45 പേര്‍ക്കുള്ള പരിശീലനമാണ് മുണ്ടേരിയില്‍ തുടങ്ങിയത്. പരിശീലനം ഇന്ന് സമാപിക്കും. ജൂണ്‍ നാലിന് തലശ്ശേരി ബ്ലോക്ക് പരിശീലനം വേങ്ങാടും ആറിന് കൂത്തുപറമ്പ്, പാനൂര്‍ ബ്ലോക്കിന്റേത് മൊകേരിയിലും നടക്കും. 15നകം ജില്ലയിലെ മുഴുവന്‍ ബ്ലോക്കുകളിലെയും പരിശീലനം പൂര്‍ത്തിയാക്കാനാണ് പദ്ധതി.




Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."