കൊച്ചി: മാധ്യമ പ്രവര്‍ത്തകരും അഭിഭാഷകരും തമ്മിലുള്ള പ്രശ്‌നം രമ്യമായി പരിഹരിക്കുമെന്ന് കേരള ഹൈക്കോടതി നിയുക്ത ആക്ടിങ് ചീഫ് ജസ്റ്റിസ് മോഹന്‍ ശാന്തന ഗൗഡര്‍ പറഞ്ഞു. ആക്ടിങ് ചീഫ് ജസ്റ്റിസ് തോട്ടത്തില്‍ ബി.രാധാകൃഷ്ണനില്‍നിന്ന് തിങ്കളാഴ്ച ചുമതലയേല്‍ക്കുന്നതിനായി ഇന്നലെയാണ് കര്‍ണാടകയില്‍നിന്ന് അദ്ദേഹം കൊച്ചിയിലെത്തിയത്.
സംസ്ഥാനത്ത് ഇപ്പോള്‍ മാധ്യമപ്രവര്‍ത്തകരും അഭിഭാഷകരും തമ്മില്‍ അതിരൂക്ഷമായ പ്രശ്‌നങ്ങള്‍ ഇല്ലെന്നാണ് കരുതുന്നത്.
ഇരുകൂട്ടരുമായി സംസാരിച്ച് പ്രശ്‌നം രമ്യമായി തീര്‍ക്കാനാകുമെന്നാണ് പ്രതീക്ഷ. ഇതിന് ഹൈക്കോടതിയിലെ ജഡ്ജിമാര്‍ അടക്കമുള്ളവരുമായി ആശയവിനിമയം നടത്തും.