തിരുവനന്തപുരം: സംഗീതജ്ഞന്‍ എം.ജി രാധാകൃഷ്ണന്റെ സ്മരണയ്ക്കായി എം.ജി രാധാകൃഷ്ണന്‍ ഫൗണ്ടേഷന്‍ ഏര്‍പ്പെടുത്തിയ ഈ വര്‍ഷത്തെ പുരസ്‌കാരം എം. ജയചന്ദ്രന് സമ്മാനിക്കും. 25,000 രൂപയും ആര്‍ട്ടിസ്റ്റ് ഭട്ടതിരി രൂപകല്‍പന ചെയ്ത ഫലകവും പ്രശസ്തിപത്രവും അടങ്ങുന്നതാണ് പുരസ്‌കാരം. ഡോ. കെ. ഓമനക്കുട്ടി, പൂവച്ചല്‍ ഖാദര്‍, പെരുമ്പാവൂര്‍ ജി. രവീന്ദ്രനാഥ്, ഡോ. ബി. അരുന്ധതി, പ്രദീപ് പനങ്ങാട്, കല്ലറ ഗോപന്‍ എന്നിവര്‍ ഉള്‍പ്പെട്ട സമിതിയാണ് അവാര്‍ഡിനായി ജയചന്ദ്രനെ തെരഞ്ഞെടുത്തത്.
29ന് വൈകുന്നേരം ടാഗോര്‍ തിയറ്ററില്‍ സംഘടിപ്പിക്കുന്ന ഘനശ്യാമസന്ധ്യ സംഗീത വിരുന്നില്‍ പരുസ്‌കാരം ജയചന്ദ്രന് സമ്മാനിക്കും. മന്ത്രി കടകംപള്ളി സുരേന്ദ്രന്‍ അവാര്‍ഡ് സമര്‍പ്പണവും സംഗീത വിരുന്ന് ഉദ്ഘാടനവും നിര്‍വഹിക്കും. ചലച്ചിത്ര താരങ്ങളായ മധു, സീമ എന്നിവരെ ആദരിക്കും.