ഒറ്റപ്പാലം: ഒറ്റപ്പാലത്ത് യുവാവിനേയും യുവതിയേയും ട്രെയിന്‍തട്ടി മരിച്ചനിലയില്‍ കണ്ടെത്തി. ഒറ്റപ്പാലത്തിനും ഷൊര്‍ണൂര്‍ റെയില്‍വേ സ്റ്റേഷനും മധ്യേ മനിശേരി തൃക്കംകോടിനു സമീപത്താണ് മൃതദേഹം കണ്ടെത്തിയത്. കോളജ് വിദ്യാര്‍ഥികളായ തൃശൂര്‍ ചേലക്കര മായന്നൂര്‍ സ്വദേശി അരുണ്‍ (21), തൃശൂര്‍ കേച്ചേരി സ്വദേശി കാവ്യ (21) എന്നിവരാണ് മരിച്ചത്.

കോയമ്പത്തൂര്‍ എ.ജെ.കെ കോളജില്‍ ബിസിഎ വിദ്യാര്‍ഥിയാണ് അരുണ്‍. കാവ്യ തൃശൂര്‍ മെഡിക്കല്‍ കോളജില്‍ വിദ്യാര്‍ഥിനിയുമാണ്. ഇവരെ ചൊവ്വാഴ്ച മുതല്‍ കാണാനില്ലായിരുന്നു. ബുധനാഴ്ച പുലര്‍ച്ചെ ഒന്നോടെയാണ് ഇരുവരെയും ട്രെയിന്‍ തട്ടിയതെന്നാണു കരുതുന്നത്. ഒറ്റപ്പാലം പൊലിസ് കേസെടുത്ത് അന്വേഷണം ആരംഭിച്ചു.