കാട്ടാക്കട: അയല്‍വാസി  വീട് അതിക്രമിച്ചു കയറി ഭീഷണിപ്പെടുത്തുകയും മര്‍ദിക്കുകയും ചെയ്തതായി  പരാതി .
മടത്തികോണം ബിജിന്‍ നിവാസില്‍ കോമളം ആണ് ഇത് സംബന്ധിച്ച് കാട്ടാക്കട  പൊലിസില്‍  പരാതി നല്‍കിയത് .ശനിയാഴ്ച രാത്രിയായിരുന്നു സംഭവം. അയല്‍വാസി വീട്ടില്‍  അതിക്രമിച്ചു കയറുകയും  എഴുപതു  വയസുള്ള രോഗിയായ ഭര്‍ത്താവിനെയും കോമളത്തെയും മര്‍ദിക്കുകയും വസ്ത്രം  വലിച്ചു കീറുകയും ചെയ്തു എന്നാണു പരാതി.  
മകളുടെ കഴുത്തിന് കുത്തിപ്പിടിച്ചു ഭീഷണി മുഴക്കിയതായും മകനെ ബീയര്‍ കുപ്പി കൊണ്ട് അടിക്കാന്‍  ശ്രമിച്ചതായും പരാതിയില്‍ പറയുന്നു .
അയല്‍വാസിയുടെ  നിരന്തര ശല്യത്തിനെതിരെ പരാതി നല്‍കിയതിലുള്ള വൈരാഗ്യത്തിലായിരുന്നു മര്‍ദനം. കാട്ടാക്കട പൊലിസ് അന്വേഷണം ആരംഭിച്ചു .