കാസര്‍കോട്: സാക്ഷരതാ മിഷന്‍ നടത്തുന്ന ഹയര്‍സെക്കന്‍ഡറി തുല്യതാ കോഴ്‌സ് ഒന്നാംവര്‍ഷ പരീക്ഷ നാലിന് ആരംഭിക്കും. ഗവ.ഹയര്‍ സെക്കന്‍ഡറി സ്‌കൂള്‍ ചെര്‍ക്കള സെന്‍ട്രല്‍, ഗവ.ഹയര്‍ സെക്കന്‍ഡറി സ്‌കൂള്‍ ചായ്യോത്ത്, ഗവ.ഹയര്‍ സെക്കന്‍ഡറി സ്‌കൂള്‍ കുട്ടമത്ത്, ഹോളി ഫാമിലി ഹയര്‍സെക്കന്‍ഡറി സ്‌കൂള്‍ രാജപുരം, ഗവ.ഹയര്‍സെക്കന്‍ഡറി സ്‌കൂള്‍ ഹോസ്ദുര്‍ഗ് കാഞ്ഞങ്ങാട്, ഗവ.ഹയര്‍ സെക്കന്‍ഡറി സ്‌കൂള്‍ കാസര്‍കോട്, ബി.എ.ആര്‍.എച്ച്.എസ്.ബോവിക്കാനം എന്നിവയാണ് പരീക്ഷാ കേന്ദ്രങ്ങള്‍. 160 പുരുഷന്‍മാരും 317 സ്ത്രീകളും ഉള്‍പ്പെടെ 477 പേരാണു പരീക്ഷയ്ക്ക് രജിസ്റ്റര്‍ ചെയ്തത്. ഇതില്‍ 55 പട്ടികജാതിക്കാരും 88 പട്ടികവര്‍ഗ്ഗക്കാരും ഉള്‍പ്പെടുന്നു. രണ്ടു പേര്‍ ഭിന്നശേഷി ഉള്ളവരാണ്. ചീമേനി തുറന്ന ജയിലിലെ 10 പേര്‍ കുട്ടമത്തു സ്‌കൂളില്‍ പരീക്ഷ എഴുതും. 371 പേര്‍ ഹ്യൂമാനിറ്റിസ് ഗ്രൂപ്പിലും 106 പേര്‍ കോമേഴ്‌സ് ഗ്രൂപ്പിലും പരീക്ഷയ്ക്കും രജിസ്റ്റര്‍ ചെയ്തിട്ടുണ്ട്. സാക്ഷരതാ മിഷന്‍ ഇവര്‍ക്കായി മാതൃകാ പരീക്ഷ നടത്തി. നിരന്തര മൂല്യനിര്‍ണയ പ്രവര്‍ത്തനങ്ങള്‍ പൂര്‍ത്തീകരിച്ചു. പരീക്ഷകള്‍ ഉച്ചയ്ക്കു രണ്ടിന് ആരംഭിച്ച് 4.45 ന് അവസാനിക്കും.