കോഴിക്കോട്: സഊദി അറേബ്യയിലെ സമസ്ത അനുഭാവികളുടെ കൂട്ടായ്മയായ സമസ്ത ഇസ്ലാമിക് സെന്റര്‍ (എസ്.ഐ.സി) പ്രവര്‍ത്തകരുടെ കൂട്ടായ്മ സംഘടിപ്പിച്ചു. ഇസ്‌ലാമിക് സെന്റര്‍ കോണ്‍ഫറന്‍സ് ഹാളില്‍ നടന്ന പരിപാടിയില്‍ ദമാമില്‍ നിന്നും പ്രവാസി ജീവിതം അവസാനിപ്പിച്ചവരും ഗള്‍ഫിലെ നിലവിലെ സംഘടന ഭാരവാഹികളും അടക്കം നിരവധി പേര്‍ പങ്കെടുത്തു.

സംഗമം എസ്.കെ.എസ്.എസ് .എഫ് സംസ്ഥാന ജനറല്‍ സെക്രട്ടറി സത്താര്‍ പന്തലൂര്‍ ഉദ്ഘാടനം ചെയ്തു. യൂസുഫ് ഫൈസി വാളാട് അധ്യക്ഷത വഹിച്ചു. ഉമ്മര്‍ ഫൈസി, ഷാജഹാന്‍ ദാരിമി തിരുവനന്തപുരം, സി.എച്ച് മൗലവി കോട്ടക്കല്‍, ഫവാസ് ഹുദവി, മാഹിന്‍ വിഴിഞ്ഞം, ഇബ്രാഹിം ഓമശ്ശേരി, അബൂ ജിര്‍ഫാസ്, മിനി അബു ഹാജി, ശരീഫ് റഹ്മാനി, മുസ്തഫ റഹ്മാനി, മജീദ് വാണിയമ്പലം തുടങ്ങിയവര്‍ സംബന്ധിച്ചു.