ന്യൂഡല്‍ഹി: ഗുജറാത്തിലെ ബി.ജെ.പി മുഖ്യമന്ത്രി ആനന്ദിബേന്‍ പട്ടേലിന്റെ രാജി എ.എ.പിയുടെ വിജയമെന്നു ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. സംസ്ഥാനത്ത് എ.എ.പിയുടെ സ്വാധീനമാണ് അവരുടെ രാജിയിലേക്കു നയിച്ചതെന്നും അദ്ദേഹം ട്വിറ്ററില്‍ കുറിച്ചു.

ദലിത് വിഷയവും പട്ടേല്‍ പ്രക്ഷോഭവും ഓര്‍മിപ്പിച്ചായിരുന്നു കെജ്‌രിവാളിന്റെ ട്വീറ്റ്. ഗുജറാത്തില്‍ വരാനിരിക്കുന്ന നിയമസഭാ തെരഞ്ഞെടുപ്പില്‍ എല്ലാ സീറ്റിലും മത്സരിക്കുമെന്ന് എ.എ.പി നേരത്തേ വ്യക്തമാക്കിയിരുന്നു. തുടര്‍ന്നു സ്വകാര്യ ചടങ്ങിനായി ഗുജറാത്ത് സന്ദര്‍ശിക്കാനിരുന്ന കെജ്‌രിവാളിന്റെ നീക്കം ബി.ജെ.പി ഇടപെട്ടു മുടക്കിയതു വിവാദമാവുകയും ചെയ്തിരുന്നു.