HOME
DETAILS

തീര്‍ഥാടകര്‍ക്കുള്ള സുരക്ഷാ സംവിധാനങ്ങള്‍ വിലയിരുത്തി

  
backup
June 04 2017 | 23:06 PM

%e0%b4%a4%e0%b5%80%e0%b4%b0%e0%b5%8d%e2%80%8d%e0%b4%a5%e0%b4%be%e0%b4%9f%e0%b4%95%e0%b4%b0%e0%b5%8d%e2%80%8d%e0%b4%95%e0%b5%8d%e0%b4%95%e0%b5%81%e0%b4%b3%e0%b5%8d%e0%b4%b3-%e0%b4%b8%e0%b5%81-2


ജിദ്ദ: മക്കയിലെയും മദീനയിലെയും തീര്‍ഥാടകരുടെ സുരക്ഷാ സംവിധാനങ്ങള്‍ സഊദി കിരീടാവകാശിയും ആഭ്യന്തര മന്ത്രിയുമായ അമീര്‍ മുഹമ്മദ് ബിന്‍ നാഇഫ് വിലയിരുത്തി. തീര്‍ഥാടകര്‍ക്ക് മികച്ച സൗകര്യങ്ങളാണ് സഊദി നല്‍കുന്നതെന്നും ഹജ്ജ്, ഉംറ കര്‍മങ്ങള്‍ സുഗമമായി നിര്‍വഹിക്കാനാവശ്യമായ എല്ലാ സേവനങ്ങളും നല്‍കാന്‍ ഭരണകൂടം താല്‍പര്യം കാണിക്കുന്നുണ്ടെന്നും അദ്ദേഹം പറഞ്ഞു. ഉംറ സീസണിലെ അവസാന നാളുകളിലെ സുരക്ഷാ പദ്ധതികള്‍ വിലയിരുത്തുന്ന യോഗത്തില്‍ സംസാരിക്കുകയായിരുന്നു അദ്ദേഹം.
അടിയന്തര ഘട്ടങ്ങള്‍ നേരിടുന്നതിന് സുരക്ഷാ വകുപ്പുകള്‍ സന്നദ്ധമാണെന്നും ഉംറ സേവനങ്ങള്‍ മികച്ചതാക്കാന്‍ ഇനിയും ശ്രമങ്ങള്‍ നടത്തണമെന്നും അദ്ദേഹം കൂട്ടിച്ചേര്‍ത്തു.
പൊതു സുരക്ഷാ മേധാവി ജനറല്‍ ഉസ്മാന്‍ ബിന്‍ നാസിര്‍ അല്‍മുഹ്‌റിജ് റമദാന്‍ സുരക്ഷാ പദ്ധതികള്‍ വിശദീകരിച്ചു. ആഭ്യന്തര മന്ത്രിയുടെ ഉപദേഷ്ടാവ് അമീര്‍ അബ്ദുല്‍ അസീസ് ബിന്‍ സഊദ്, ഇരു ഹറം കാര്യാലയ മേധാവി ഡോ. അബ്ദുറഹ്മാന്‍ അല്‍സുദൈസ്, ഹജ്ജ്, ഉംറ മന്ത്രി ഡോ. മുഹമ്മദ് സ്വാലിഹ് ബിന്ദന്‍, സുരക്ഷാ വിഭാഗങ്ങളിലെ മുതിര്‍ന്ന ഉദ്യോഗസ്ഥര്‍ യോഗത്തില്‍ പങ്കെടുത്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."