വാഷിങ്ടണ്‍: യു.എസില്‍ ആശങ്ക പരത്തി വീണ്ടും സിക വൈറസ്. ഫ്‌ളോറിഡയിലാണ് സിക്ക വൈറസ് ബാധയുണ്ടെന്ന കണ്ടെത്തിയത്. 10 പേര്‍ക്കാണ് ഇവിടെ സിക ബാധയുണ്ടെന്ന് റിപ്പോര്‍ട്ട് ചെയ്തത്. ഇതോടെ ഫ്‌ളോറിഡയില്‍ മാത്രം സിക ബാധിതരുടെ എണ്ണം 14 ആയി. ഫ്‌ളോറിഡ ഗവര്‍ണര്‍ റിക് സ്‌കോട്ട് ആണ് വാര്‍ത്ത പുറത്തുവിട്ടത്. കഴിഞ്ഞ ദിവസം നാലു പേര്‍ക്ക് വൈറസ് സ്ഥിരീകരിച്ചിരുന്നു. ആരോഗ്യകേന്ദ്രങ്ങള്‍ നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് ഗവര്‍ണര്‍ വാര്‍ത്ത പുറത്തുവിട്ടത്.
ഗര്‍ഭിണികളായ സ്ത്രീകള്‍ ഏറെ ശ്രദ്ധിക്കണമെന്നും രോഗബാധ സ്ഥിരീകരിച്ച സ്ഥലങ്ങളിലൂടെയുള്ള യാത്രകള്‍ ഒഴിവാക്കാനും അധികൃതര്‍ നിര്‍ദേശം നല്‍കി.