എരമല്ലൂര്‍: ദേശീയപാത കുണ്ടും കുഴിയുമായതോടെ അപകടങ്ങള്‍ വര്‍ധിക്കുന്നു. ചേര്‍ത്തല മുതല്‍ അരൂര്‍ വരെയുള്ള ദേശീയപാതയാണ് കുണ്ടും കുഴിയുമായത്.
മഴ ആരംഭിച്ചതോടെ റോഡ് കൂടുതല്‍ തകര്‍ന്നുകൊണ്ടിരിക്കുകയാണ്. താല്‍ക്കാലികമായി കുഴികള്‍ അടച്ചെങ്കിലും വീണ്ടും കുഴികള്‍ രൂപപ്പെട്ടു. ഇരുചക്ര വാഹനയാത്രക്കാര്‍ കുഴികളില്‍ വീണ് മറിയുന്നത് നിത്യസംഭവമാണ്.
ചേര്‍ത്തലയ്ക്കും കുമ്പളത്തിനുമിടയില്‍ റീടാറിംങ്ങ് വര്‍ഷങ്ങളായി നടത്താത്തതാണ് ഇതിനു കാരണം. വിവിധ രാഷ്ട്രീയ നേതാക്കള്‍, ജനപ്രതിനിധികള്‍ സമരത്തിനായി ഒരുങ്ങുകയാണ്. പൊതുമരാമത്ത് വകുപ്പും നാഷണല്‍ ഹൈവേയും അടിയന്തിരമായി താറുമാറായി കിടക്കുന്ന റോഡുകള്‍ സഞ്ചാരയോഗ്യമാക്കണമെന്ന് രാഷ്ട്രീയ നേതാക്കള്‍ ഗവണ്‍മെന്റിനോട് അഭ്യര്‍ത്ഥിച്ചു.