ഡി.വൈ.എഫ്.ഐ നേതാക്കള്‍ക്ക് മര്‍ദ്ദനം: അന്വേഷണം നടത്തണമെന്ന് ബി.ജെ.പി

backup

June 07, 2017 | 8:03 PM

%e0%b4%a1%e0%b4%bf-%e0%b4%b5%e0%b5%88-%e0%b4%8e%e0%b4%ab%e0%b5%8d-%e0%b4%90-%e0%b4%a8%e0%b5%87%e0%b4%a4%e0%b4%be%e0%b4%95%e0%b5%8d%e0%b4%95%e0%b4%b3%e0%b5%8d%e2%80%8d%e0%b4%95%e0%b5%8d%e0%b4%95

ചേര്‍ത്തല:ചേര്‍ത്തലയില്‍ ഡി.വൈ.എഫ്.ഐ നേതാക്കളെ പോലീസ് മര്‍ദ്ദിച്ചെന്ന ആരോപണത്തില്‍ സമഗ്ര അന്യേഷണം നടത്തണമെന്ന് ബി.ജെ.പി നിയോജക മണ്ഡലം കമ്മിറ്റി ആവശ്യപ്പെട്ടു. വയലാര്‍ രക്തസാക്ഷി മണ്ഡപ സന്ദര്‍ശനമെന്നു പറഞ്ഞ് കണ്ണൂരില്‍ നിന്നുവന്ന
ഡി.വൈ.എഫ്.ഐ സംഘത്തിന്റെ യാത്രയുടെ ലക്ഷ്യത്തെ കുറിച്ച് അന്വേഷണം നടത്തണം.തര്‍ക്കത്തെ തുടര്‍ന്ന് 13അംഗ സംഘത്തിലെ ഏതാനും പേര്‍ മാത്രം പോലീസ് സ്‌റ്റേഷനില്‍ ഹാജരാകുകയും മറ്റുള്ളവര്‍ ഒഴിഞ്ഞ് നില്‍ക്കുകയും ചെയ്തതില്‍ ദുരൂഹതയുണ്ട്. സംഭവം നടന്നയുടനെ സിപിഎം നേതാക്കള്‍ ഇവരെ വിട്ടയക്കണമെന്ന ആവശ്യവുമായി പോലീസ് സ്‌റ്റേഷനിലെത്തിയത് സംശയത്തിന് ഇടയാക്കുന്നു.പോലീസ് സ്‌റ്റേഷനില്‍ നിന്ന് ഇറങ്ങിയ ശേഷം എസ്‌ഐയുടെ ക്രൂര മര്‍ദ്ദനത്തിരയായെന്ന് ആരോപിച്ച് താലൂക്ക് ആശുപത്രിയില്‍ ചികിത്സ തേടിയവര്‍ പെട്ടെന്ന് പോയതും ദുരൂഹത ഉളവാക്കുന്നതായും കമ്മിറ്റി ആരോപിച്ചു. ബി.ജെ.പി ദക്ഷിണ മേഖലാ പ്രസിഡന്റ് വെള്ളിയാകുളം പരമേശ്വരന്‍ യോഗം ഉദ്ഘാടനം ചെയ്തു. പ്രസിഡന്റ് സാനു സുധീന്ദ്രന്‍ അധ്യക്ഷനായി. അരുണ്‍.കെ. പണിക്കര്‍, എം. എസ്. ഗോപാലകൃഷ്ണന്‍, എസ്. പത്മകുമാര്‍, അഭിലാഷ് മാപ്പറമ്പില്‍ എന്നിവര്‍ പ്രസംഗിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."