കല്ലമ്പലം: കരവാരം നഗരൂര്‍ പഞ്ചായത്തുകളിലെ പാറക്വാറികളില്‍ റോഡില്‍ നിന്നും 50 മീറ്റര്‍ വിട്ടുള്ള ഖനമേ പാടുള്ളുവെന്ന സമരക്കാരുടെ ആവശ്യം അംഗീകരിച്ച് പഞ്ചായത്ത്.
നിയമങ്ങള്‍ കാറ്റില്‍പ്പറത്തി അനധികൃത ഖനം നടക്കുന്നുവെന്നാരോപിച്ച് ജനകീയ സംരക്ഷണസമിതിയുടെ നേതൃത്വത്തില്‍ ആരംഭിച്ച കുത്തിയിരിപ്പ് സത്യഗ്രഹം എട്ടുദിവസം പിന്നിടുമ്പോഴാണ് പഞ്ചായത്തിന്റെ തീരുമാനം.
വന്‍ സ്‌പോടക വസ്തുക്കള്‍ ഉപയോഗിച്ചുള്ള പാറപൊട്ടിക്കല്‍ നിയന്ത്രിക്കുക, മലിനീകരണം തടയുക, ഭൂമികുത്തി പിളര്‍ന്നുള്ള ഖനം അവസാനിപ്പിക്കുക, പ്രദേശവാസികളുടെ ജീവനും സ്വത്തിനും സംരക്ഷണം നല്‍കുക തുടങ്ങിയ ആവശ്യങ്ങളും സമരക്കാര്‍ ഉന്നയിച്ചെങ്കിലും അത് ജിയോളജിക്കല്‍ വിഭാഗത്തിന്റെ പരിധിയിലായതിനാല്‍ പഞ്ചായത്തിന് ഒന്നും ചെയ്യാന്‍ സാധിക്കില്ലെന്ന നിലപാടിലാണ് ചര്‍ച്ച അവസാനിച്ചത്. അനധികൃത ഖനം അവസാനിപ്പിക്കുന്നതിനായി ബന്ധപ്പെട്ട ഓഫിസുകളിലേക്ക് ജനകീയ സംരക്ഷണസമിതി മാര്‍ച്ചും ധര്‍ണയും നടത്തുമെന്നും നീതി നടപ്പാകുംവരെ പോരാടുമെന്നും സമരക്കാര്‍ അറിയിച്ചു.