പരപ്പനങ്ങാടി: നഗരത്തിലെ റോഡുകളില്‍ വിവിധ ഭാഗങ്ങളില്‍ സ്ഥാപിച്ച സീബ്രോലൈനുകള്‍ മാഞ്ഞു പോയിട്ട് വര്‍ഷം രണ്ട് കഴിയുന്നു. സീബ്രോലൈന്‍ ഉടന്‍ പുനസ്ഥാപിക്കണമെന്നാവശ്യപ്പെട്ട് മോട്ടോര്‍ തൊഴിലാളി യൂനിയന്‍ പി.ഡബ്ല്യൂ.ഡി അധികൃതരോട് ആവശ്യപ്പെട്ടു. പ്രശ്‌നത്തിന് പരിഹാരം കണ്ടിലെങ്കില്‍ പൊതുമരാമത്ത് ഓഫിസിലേക്ക് മാര്‍ച്ചടക്കമുള്ള പ്രക്ഷോഭ പരിപാടികള്‍ നടത്താനും യോഗം തീരുമാനിച്ചു. ടി കുട്ട്യാവ അധ്യക്ഷനായി. എം.കെ പവിത്രന്‍, കളത്തിങ്ങല്‍ ഹംസ, പി കുഞ്ഞിക്കോയ, പി അഷ്‌റഫ്, പി മുഹമ്മദ്‌കോയ, ടി.കെ അബ്ദുല്‍സലാം, മനാഫ് ചെട്ടിപ്പടി സംസാരിച്ചു.