തലശ്ശേരി: വധശ്രമവുമായി ബന്ധപ്പെട്ട് സി.പി.എമ്മിനെ കടന്നാക്രമിക്കുന്ന സി.ഒ.ടി നസീര്‍ പാര്‍ട്ടി പരിപാടിയില്‍ പങ്കെടുത്തത് ചര്‍ച്ചയാകുന്നു. സി.പി.എമ്മിന്റെ ആഭിമുഖ്യത്തിലുള്ള പാട്യം ഗോപാലന്‍ സ്മാരക പഠന ഗവേഷണ കേന്ദ്രം ചൊവ്വാഴ്ച കണ്ണൂരില്‍ സംഘടിപ്പിച്ച സെമിനാറിലാണ് നസീര്‍ പങ്കെടുത്തത്. സി.പി.എം തലശേരി ഏരിയാ സെക്രട്ടറി എം.സി പവിത്രനാണ് പരിപാടിയില്‍ പങ്കെടുക്കാന്‍ ആദ്യം ക്ഷണിച്ചത്.
തുടര്‍ന്ന് സംസ്ഥാന കമ്മിറ്റിയംഗം പി. ജയരാജനും ക്ഷണിക്കുകയായിരുന്നു. പൊതുവിഷയം ചര്‍ച്ച ചെയ്യുന്ന സെമിനാറാണെന്നും ഇതിനു രാഷ്ട്രീയമില്ലെന്നും നസീര്‍ സുപ്രഭാതത്തോട് പറഞ്ഞു. സി.പി.എം പോളിറ്റ് ബ്യൂറോ അംഗം എം.എ ബേബിയാണ് കശ്മിര്‍ വിഷയം സംബന്ധിച്ചുള്ള സെമിനാര്‍ കണ്ണൂരില്‍ ഉദ്ഘാടനം ചെയ്തത്.