ഹൈദരാബാദ്: വൈ.എസ്.ആര്‍ കോണ്‍ഗ്രസ് അധ്യക്ഷന്‍ ജഗന്‍ മോഹന്‍ റെഡ്ഡിയെ അഞ്ജാതന്‍ കുത്തി പരുക്കേല്‍പ്പിച്ചു. ആന്ധ്ര പ്രദേശിലെ വിസാഗ് വിമാനത്താവളത്തില്‍ വച്ചാണ് അദ്ദേഹത്തെ ഇരുമ്പുകൊണ്ട് ഒരാള്‍ കുത്തിയത്.

ഇടതു കൈക്കു കുത്തേറ്റ റെഡ്ഡിയെ രക്തം ഒലിക്കുന്ന നിലയിലാണ് കണ്ടത്. പരുക്ക് ഗുരുതരമല്ല. അക്രമിയെ തിരിച്ചറിഞ്ഞിട്ടില്ല. റെഡ്ഡിയോടൊപ്പം സെല്‍ഫി എടുക്കണമെന്ന് പറഞ്ഞ് ഇയാള്‍ അടുത്തു വരികയായിരുന്നു.