മലപ്പുറം: സമസ്ത കേരള ജംഇയ്യത്തുല്‍ ഉലമാ അധ്യക്ഷനും ജാമിഅ നൂരിയ്യ പ്രിന്‍സിപ്പലുമായിരുന്ന കെ.കെ അബൂബക്കര്‍ ഹസ്രത്തിന്റെ സ്മരണാര്‍ഥം ഏര്‍പ്പെടുത്തിയ അവാര്‍ഡിന് ജാമിഅ നൂരിയ്യ സീനിയര്‍ പ്രൊഫസര്‍ കോട്ടുമല മൊയ്തീന്‍കുട്ടി മുസ്‌ലിയാരെ തിരഞ്ഞെടുത്തു. ജാമിഅ നൂരിയ്യ പൂര്‍വ വിദ്യാര്‍ഥി സംഘടനയായ ഓസ്‌ഫോജ്‌നയുടെ യു.എ.ഇ ഘടകം നല്‍കുന്നതാണ് അവാര്‍ഡ്.
1967ല്‍ ജാമിഅ നൂരിയ്യയില്‍നിന്ന് പഠനം പൂര്‍ത്തിയാക്കിയ മൊയ്തീന്‍കുട്ടി മുസ്‌ലിയാര്‍ 1974 മുതല്‍ ജാമിഅ നൂരിയ്യയിലെ അധ്യാപകനാണ്. എട്ടിന് ഞായറാഴ്ച രണ്ട് മണിക്ക് മലപ്പുറം സുന്നിമഹലില്‍ നടക്കുന്ന ചടങ്ങില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ അവാര്‍ഡ് സമര്‍പ്പിക്കും. സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍, സയ്യിദ് സാദിഖലി ശിഹാബ് തങ്ങള്‍, എം.ടി അബ്ദുല്ല മുസ്‌ലിയാര്‍, കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, പി.കെ കുഞ്ഞാലിക്കുട്ടി എം.പി, എം.എല്‍.എമാരായ പി. അബ്ദുല്‍ ഹമീദ്, സയ്യിദ് ആബിദ് ഹുസൈന്‍ തങ്ങള്‍, മഞ്ഞളാംകുഴി അലി, പി. ഉബൈദുല്ല എന്നിവരും അബ്ദുസ്സമദ് പൂക്കോട്ടൂര്‍, കെ.എ റഹ്മാന്‍ ഫൈസി, അബ്ദുല്‍ ഹമീദ് ഫൈസി അമ്പലക്കടവ്, സയ്യിദ് സാബിഖലി ശിഹാബ് തങ്ങള്‍, സയ്യിദ് ഹാശിറലി ശിഹാബ് തങ്ങള്‍, സലാം ഫൈസി ഒളവട്ടൂര്‍, സി.എച്ച് ത്വയ്യിബ് ഫൈസി, മൊയ്തീന്‍കുട്ടി ഫൈസി അച്ചൂര്‍, സത്താര്‍ പന്തല്ലൂര്‍, സഅദ് ഫൈസി ചുങ്കത്തറ തുടങ്ങിയവരും പ്രസംഗിക്കും.
ജാമിഅ നൂരിയ്യയില്‍ ചേര്‍ന്ന സംഘാടക സമിതി യോഗം കെ. ഇബ്‌റാഹിം ഫൈസി തിരൂര്‍ക്കാടിന്റെ അധ്യക്ഷതയില്‍ പുത്തനഴി മൊയ്തീന്‍ ഫൈസി ഉദ്ഘാടനം ചെയ്തു. അലവിക്കുട്ടി ഫൈസി മുതുവല്ലൂര്‍ പദ്ധതി വിശദീകരിച്ചു. ഹംസ ഫൈസി ഹൈതമി, ളിയാഉദ്ദീന്‍ ഫൈസി മേല്‍മുറി, സുലൈമാന്‍ ഫൈസി ചുങ്കത്തറ, ശിഹാബ് ഫൈസി കൂമണ്ണ, ഒ.ടി മുസ്തഫ ഫൈസി, ഉമര്‍ ഫൈസി മുടിക്കോട്, അലി ഫൈസി തൂത, ഹസൈനാര്‍ ഫൈസി നാട്ടുകല്‍, അലിക്കുട്ടി ഫൈസി താഴക്കോട്, അബ്ദുല്ല ഫൈസി വെള്ളില, കബീര്‍ ഫൈസി പുവ്വത്താണി, നാസര്‍ ഫൈസി കുപ്പാടിത്തറ പ്രസംഗിച്ചു.