ബംഗളൂരു: സംസ്ഥാന സര്‍ക്കാര്‍ പിരിച്ചുവിട്ട് പുതിയ തെരഞ്ഞെടുപ്പിനെ നേരിടില്ലെന്ന് മുഖ്യമന്ത്രി സിദ്ധരാമയ്യ. അടുത്ത വര്‍ഷമാണ് സംസ്ഥാന തെരഞ്ഞെടുപ്പെങ്കിലും അതിനു മുന്‍പ് തെരഞ്ഞെടുപ്പ് നടത്താന്‍ നീക്കം നടക്കുന്നുണ്ടെന്ന വാര്‍ത്ത വന്ന സാഹചര്യത്തിലാണ് ഇക്കാര്യം നിഷേധിച്ചുകൊണ്ട് മുഖ്യമന്ത്രി നിലപാട് വ്യക്തമാക്കിയത്. അടുത്ത വര്‍ഷത്തെ തെരഞ്ഞെടുപ്പിനുള്ള ഒരുക്കങ്ങള്‍ തുടങ്ങിയിട്ടുള്ള സാഹചര്യത്തില്‍ നേരത്തെ തെരഞ്ഞെടുപ്പ് നടത്തുകയെന്നത് പ്രസക്തമായ കാര്യമല്ലെന്ന് അദ്ദേഹം വ്യക്തമാക്കി.