HOME
DETAILS

കൊച്ചിയില്‍ ബോട്ടിലിടിച്ച വിദേശ കപ്പല്‍ പിടിച്ചെടുത്തു

  
backup
June 11 2017 | 05:06 AM

%e0%b4%95%e0%b5%8a%e0%b4%9a%e0%b5%8d%e0%b4%9a%e0%b4%bf%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%ac%e0%b5%8b%e0%b4%9f%e0%b5%8d%e0%b4%9f%e0%b4%bf%e0%b4%b2%e0%b4%bf%e0%b4%9f%e0%b4%bf%e0%b4%9a

കൊച്ചി:കൊച്ചിയില്‍ മത്സ്യബന്ധനത്തിനു പോയ ബോട്ടിലിടിച്ച കപ്പല്‍ പിടിച്ചെടുത്തു. നേവിയും കോസ്റ്റ് ഗാര്‍ഡും ചേര്‍ന്നാണ് കപ്പല്‍ പിടിച്ചെടുത്തത്.

അതേസമയം, കപ്പലിന്റെ ക്യാപ്റ്റനെതിരെ മനപ്പൂര്‍വമല്ലാത്ത നരഹത്യക്ക് കേസ് രജിസ്റ്റര്‍ ചെയ്യുമെന്ന് കൊച്ചി സിറ്റി കമ്മിഷണര്‍ എം.പി.ദിനേശ് പറഞ്ഞു. ബോട്ടിലിടിച്ചിട്ടും കപ്പല്‍ നിര്‍ത്താതെ പോയത് നിയമലംഘനമാണെന്നും കമ്മിഷ്ണര്‍ വ്യക്തമാക്കി.

മട്ടാഞ്ചേരി അസിസ്റ്റന്റ് കമ്മിഷ്ണര്‍ കപ്പലിലേക്ക് തിരിച്ചു. ക്യാപ്റ്റനടക്കമുള്ളവരുടെ മൊഴിയെടുത്ത് തീരത്തേക്ക് കൊണ്ടുവരും.

കൊച്ചിയില്‍ മീന്‍പിടുത്ത ബോട്ടില്‍ കപ്പലിടിച്ചു; രണ്ടു പേര്‍ മരിച്ചു, ഒരാളെ കാണാനില്ല

പനാമയില്‍ രജിസ്റ്റര്‍ ചെയ്ത ചരക്കുകപ്പല്‍ ആംബര്‍ ആണ് അപകടമുണ്ടാക്കിയത്. കൊച്ചിയില്‍ നിന്നും എട്ട് നോട്ടിക്കല്‍ മൈല്‍ അകലെ വച്ച് കപ്പല്‍ നാവികസേന പിടിച്ചെടുത്തു.

അപകടത്തില്‍ രണ്ടുപേര്‍ മരിക്കുകയും ഒരാളെ കാണാതാവുകയും ചെയ്തിരുന്നു. പരുക്കേറ്റ രണ്ടുപേരെ ഫോര്‍ട്ട് കൊച്ചി ആശുപത്രിയില്‍ പ്രവേശിപ്പിച്ചിരിക്കുകയാണ്. പതിനാലു പേരാണ് ബോട്ടിലുണ്ടായിരുന്നത്.

കാണാതായ ആള്‍ക്കുവേണ്ടി പൊലിസിനൊപ്പെ കോസ്റ്റ്ഗാര്‍ഡും നേവിയും രക്ഷാപ്രവര്‍ത്തനം നടത്തുന്നുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."