ഗുവാഹത്തി: അനധികൃത കുടിയേറ്റക്കാരെ ആരെയും ഇന്ത്യയില്‍ നിര്‍ത്താന്‍ അനുവദിക്കില്ലെന്നും എല്ലാവരെയും പുറത്താക്കുമെന്നും ആഭ്യന്തരമന്ത്രി അമിത് ഷാ. പട്ടികയുമായി ബന്ധപ്പെട്ട് നിരവധിപേര്‍ ചോദ്യങ്ങള്‍ ഉന്നയിക്കുന്നുï്. എന്നാല്‍ ഒറ്റ അനധികൃത കുടിയേറ്റക്കാരനെപ്പോലും രാജ്യത്ത് നിര്‍ത്താന്‍ കേന്ദ്രസര്‍ക്കാര്‍ അനുവദിക്കില്ല. അത് ഞങ്ങളുടെ ഉത്തരവാദിത്തമാണ്. ഇന്ത്യക്കാരല്ലാത്തവരെ പുറത്താക്കുന്ന നടപടി സമയബന്ധിതമായി പൂര്‍ത്തീകരിക്കുമെന്ന് അമിത്ഷാ പറഞ്ഞു.
ഗുവാഹത്തിയില്‍ വടക്കുകിഴക്കന്‍ സംസ്ഥാനങ്ങളുടെ കൗണ്‍സില്‍ (എന്‍.ഇസി) സമ്മേളനത്തില്‍ പങ്കെടുത്ത് സംസാരിക്കുകയായിരുന്നു അദ്ദേഹം. ദേശീയ പൗരത്വ പട്ടിക (എന്‍.ആര്‍.സി) പ്രസിദ്ധീകരിച്ച ശേഷം ആദ്യമായാണ് അമിത്ഷാ അസമിലെത്തിയത്.