പാപ്പിനിശ്ശേരി: ടയര്‍ പൊട്ടിയതിനെത്തുടര്‍ന്ന് വഴിയിലായ ലോറിയ്ക്കു പിറകില്‍ ഓട്ടോയിടിച്ചതിനെത്തുടര്‍ന്ന് ഓട്ടോ ഡ്രൈവര്‍ക്കും യാത്രക്കാരനും പരുക്കേറ്റു. ഇന്നലെ പുലര്‍ച്ചെ പാപ്പിനിശ്ശേരി പഞ്ചായത്തിനു സമീപമാണ് സംഭവം. ടയര്‍ പൊട്ടി രണ്ടു ദിവസമായി റോഡില്‍ കിടന്ന ലോറിക്കു പിറകിലാണ് ഓട്ടോയിടിച്ചത്. പരുക്കേറ്റവര്‍ കണ്ണൂരിലെ സ്വകാര്യ ആശുപത്രിയില്‍ ചികിത്സ തേടി. ഇടിയുടെ ആഘാതത്തില്‍ ഓട്ടോയുടെ മുന്‍ഭാഗം തകര്‍ന്നു. ലോറി അപകടത്തില്‍പെട്ടത് മറ്റു വാഹനയാത്രക്കാര്‍ക്ക് മനസിലാക്കാനായി അപകട സൂചനകള്‍ ഒന്നും ഇവിടെ സ്ഥാപിച്ചിരുന്നില്ല.