കക്കാട്: പുഴാതി ഗവ.ഹയര്‍ സെക്കന്‍ഡറി സ്‌കൂളില്‍ നിന്നും എസ്.എസ്.എല്‍.സി-പ്ലസ് ടു വിഭാഗങ്ങളില്‍ ഉന്നത വിജയം നേടിയ വിദ്യാര്‍ഥികള്‍ക്ക് അനുമോദനവും നിര്‍ധനരായ വിദ്യാര്‍ഥികള്‍ക്കുള്ള സാമ്പത്തിക സഹായ വിതരണവും പഠനോപകരണ വിതരണവും സംഘടിപ്പിച്ചു. ദുബൈ കക്കാട് മഹല്ല് വെല്‍ഫെയര്‍ അസോസിയേഷനും കക്കാട് മഹല്ല് മുസ്‌ലിം ജമാഅത്ത് റിലീഫ് സെല്‍ വിദ്യാഭ്യാസ സമിതിയുടെയും സംയുക്താഭിമുഖ്യത്തില്‍ നടന്ന പരിപാടി ഡപ്യൂട്ടി കലക്ടര്‍ (എല്‍.ആര്‍) ഒ മുഹമ്മദ് അസ്‌ലം ഉദ്ഘാടനം ചെയ്തു. പാറക്കണ്ടി ഹാശിം അധ്യക്ഷനായി. കെ.പിഎ സലിം, പി.പി മഹ്മൂദ്, ടി.പി നാസര്‍, വി.സി ഇസ്മായില്‍, ഓലയാട്ട് അബ്ദുസലാം, ഷെറിന്‍ ജോസഫ്, കെ രാജന്‍, കെ.പി ഷെഫീഖ്, ബി.കെ അഹ്മ്മദ്, അരീക്കര അബൂഞ്ഞി, റിയാസ് ശുദുലിപ്പള്ളി, കാവ്യദാസന്‍ സംസാരിച്ചു.