ന്യൂഡല്‍ഹി: ഈ മാസം ആരംഭിക്കുന്ന വിജയ് ഹസാരെ ട്രോഫിക്കുള്ള സൗരാഷ്ട്ര ക്രിക്കറ്റ് ടീമിനെ ഇന്ത്യന്‍ ഫാസ്റ്റ് ബൗളര്‍ ജയ്‌ദേവ് ഉനദ്കട്ട് നയിക്കും.
സമീപകാലത്ത് അഭ്യന്തര ക്രിക്കറ്റില്‍ പുറത്തെടുത്ത മികച്ച പ്രകടനമാണ് താരത്തെ ടീമിന്റെ നായക സ്ഥാനത്തെത്തിച്ചത്.
കഴിഞ്ഞ ദിവസം ചേര്‍ന്ന സൗരാഷ്ട്ര ക്രിക്കറ്റ് അസോസിയേഷന്‍ മീറ്റിങിന് ശേഷമാണ് വിജയ് ഹസാരെ ട്രോഫിക്കുള്ള ടീമിനെ പ്രഖ്യാപിച്ചത്. ഇന്ത്യന്‍ താരങ്ങളായ ജഡേജയും പൂജാരയു ടീമില്‍ ഉള്‍പ്പെട്ടിട്ടുണ്ടെങ്കിലും ദക്ഷിണാഫ്രിക്കയ്‌ക്കെതിരായ ടെസ്റ്റില്‍ ഇടം പിടിക്കാന്‍ സാധ്യതയുള്ളതിനാല്‍ ഇവരുടെ കാര്യം ആശങ്കയിലാണ്.
കഴിഞ്ഞ ടൂര്‍ണമെന്റില്‍ ടീമിന്റെ പ്രകടനം ദയനീയമായിരുന്നു. ഗ്രൂപ്പ് എയില്‍ ഇടംപിടിച്ച സൗരാഷ്ട്ര എട്ട് മത്സരങ്ങളില്‍ നിന്നായി വെറും മൂന്ന് ജയങ്ങളാണ് സ്വന്തമാക്കിയിരുന്നത്.