മണ്ണാര്‍ക്കാട്: മേഖലയില്‍ വന്‍ വിദേശ മദ്യ വേട്ട. കണ്ടമംഗലം സ്വദേശിയില്‍ നിന്നും 160 ലിറ്റര്‍ വിദേശമദ്യം എക്‌സൈസ് വകുപ്പ് പിടിച്ചെടുത്തു. ഐ.ബിയുടെ രഹസ്യവിവരത്തിന്റെ അടിസ്ഥാനത്തില്‍ ഞായര്‍ വൈകീട്ട് 7ന് കണ്ടമംഗലത്ത് നടത്തിയ വാഹന പരിശോധനയിലാണ് കാറില്‍ കടത്തുകയായിരുന്ന മദ്യ കുപ്പികള്‍ കണ്ടെത്തിയത്. മണ്ണാര്‍ക്കാട് റെയ്ഞ്ച് ഓഫിസ്, സര്‍ക്കിള്‍ ഓഫിസ്, ഇന്റലിജന്‍സ് തുടങ്ങിയവയിലെ ഉദ്യോഗസ്ഥരാണ് റെയ്ഡിന് നേതൃത്വം നല്‍കിയത്. 500 മില്ലിയുടെ 320 കുപ്പികളിലായിയിരുന്നു മദ്യം. സംഭവവുമായി ബന്ധപ്പെട്ട് മേലെ അരിയൂര്‍ സ്വദേശി കോല്‍ക്കാട്ടില്‍ നൗഷാദിനെ (34) അറസ്റ്റ് ചെയ്തു. ഇയാളുടെ പക്കല്‍ നിന്നും 49,000 രൂപയും പിടിച്ചെടുത്തു. പുതുച്ചേരിയില്‍ നിന്നും കൊണ്ടുവന്ന് അട്ടപ്പാടിയിലേക്ക് കടത്താനുള്ള ശ്രമത്തിനിടയിലാണ് പ്രതി പിടിയിലായത്. പെരിന്തല്‍മണ്ണ, അഗളി, മലപ്പുറം, വണ്ടൂര്‍് എന്നിവിടങ്ങളില്‍ നിരവധി കേസുകളില്‍ പിടികിട്ടാപ്പുള്ളി കൂടിയാണ് പ്രതി.