മാനന്തവാടി: 2016-17 സാമ്പത്തിക വര്‍ഷത്തില്‍ തിരുനെല്ലി പഞ്ചായത്ത് പ്ലാന്‍ഫണ്ടില്‍ ഉള്‍പ്പെടുത്തി ചേകാടി ഗവ. എല്‍.പി സ്‌കൂളില്‍ പുതിയതായി നിര്‍മിച്ച പാചകപ്പുരയുടെ ഉദ്ഘാടനം ഒ.ആര്‍ കേളു എം.എല്‍.എ നിര്‍വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് പി ബാലകൃഷ്ണന്‍ അധ്യക്ഷനായി. ചടങ്ങില്‍ അയ്യങ്കാളി സ്‌കോളര്‍ഷിപ്പ് നേടിയ വിദ്യാര്‍ഥികളെ ആദരിച്ചു. അനന്തന്‍ നമ്പ്യാര്‍, സാലി വര്‍ഗീസ്, എ.ബി ഉണ്ണി, ജയഭാരതി, ഷീല, മനോജ്, ഷൈനി ബിജു, ടോമി മാത്യു, സുരേഷ് ബാബു സംസാരിച്ചു.