ന്യൂഡല്‍ഹി: ലോക ബില്യാര്‍ഡ്‌സ് ചാംപ്യന്‍ഷിപ്പില്‍ ഇന്ത്യയുടെ പങ്കജ് അദ്വാനിക്ക് 220-ാം കിരീടം. ഐ.ബി.എസ്.എഫ് ലോക ബില്യാര്‍ഡ്‌സ് ചാംപ്യന്‍ഷിപ്പില്‍ 150 അപ് ഫോര്‍മാറ്റിലാണ് താരം കിരീടം ഉയര്‍ത്തിയത്. ഫൈനലില്‍ മ്യാന്‍മര്‍ താരം നെയ് ത്വായ് ഓയെ 6-2ന് പരാജയപ്പെടുത്തിയാണ് ഇത്തവണത്തെ കിരീടനേട്ടം. കഴിഞ്ഞ തവണയും ഇരുവരും ഫൈനലില്‍ ഏറ്റുമുട്ടിയപ്പോള്‍ ഇന്ത്യന്‍ താരത്തിനായിരുന്നു വിജയം.
ബില്യാര്‍ഡ്‌സ് ഷോര്‍ട്ട് ഫോര്‍മാറ്റില്‍ കഴിഞ്ഞ ആറ് വര്‍ഷത്തിനിടെ അദ്വാനിയുടെ അഞ്ചാം ലോകകിരീടമാണിത്. 2014 മുതല്‍ ഓരോ വര്‍ഷവും താരം ഇന്ത്യക്ക് ലോകകിരീടം സമ്മാനിക്കുന്നുണ്ട്.