തിരൂര്‍: തിരൂരിലെ കലാസാംസ്‌കാരിക കൂട്ടായ്മ  ' മുഹമ്മദ് റഫി ക നാം മുഹമ്മദ് അലി ക ശാം' എന്ന പേരില്‍ സംഘടിപ്പിക്കുന്ന റഫി ഗാന മെഹ്ഫില്‍ ശനിയാഴ്ച വൈകീട്ട് 6.30ന് തിരൂര്‍ ഗ്രാന്റ് പാലസ് ഓഡിറ്റോറിയത്തില്‍ അരങ്ങേറും. മുഹമ്മദ് റഫിയുടെ 36-ാമതു ചരമവാര്‍ഷികത്തോടനുബന്ധിച്ചാണ് അനുസ്മരണ ഗാന സന്ധ്യയൊരുക്കുന്നത്.നാല്‍പതു വര്‍ഷക്കാലം മുംബൈയില്‍ റഫിയുടെ ആരാധകനായി കഴിഞ്ഞ റഫി ഗാനങ്ങള്‍ മാത്രം വേദികളില്‍ ആലപിക്കുന്ന കെ.പി മുഹമ്മദ് കൂട്ടായിയുടെ നേത്യത്വത്തില്‍ തിരൂരിലെ പ്രശസ്ത ഗായകര്‍ റഫി ഗാന മെഹ്ഫിലിനെ സമ്പന്നമാക്കും. ഗായകന്‍ കോഴിക്കോട് അബ്ദുല്‍ഖാദറിന്റെ സ്മരണാര്‍ഥം കലാ സാംസ്‌കാരിക കൂട്ടായ്മ ഏര്‍പ്പെടുത്തിയ ഉപഹാരം തിരൂരിലെ വി.കെ മുഹമ്മദ് മൊഹിയുദ്ദീന് പരിപാടിയോടനുബന്ധിച്ച് സമ്മാനിക്കുമെന്ന് സംഘാടകരായ സേല്‍റ്റി തിരൂര്‍, ഫിറോസ് ബാബു, അശോകന്‍ വയ്യാട്ട്, പി.കെ. മുഹമ്മദലി അറിയിച്ചു.