ജിദ്ദ: മൂന്നര പതിറ്റാണ്ടിന്റെ പ്രവാസത്തിന്റെ നിര്‍വൃതിയില്‍ നാട്ടിലേക്ക് മടങ്ങുന്ന ഹസൈന്‍ പാണക്കാടിനു നാട്ടുകാരും സുഹൃത്തുക്കളും ചേര്‍ന്ന് യാത്രയയപ്പ് നല്‍കി. ജിദ്ദയിലെ മുഹമ്മദ് അബ്ദുള്ള അല്‍ മന്‍സൂരിയുടെ വിശ്വസ്തനായി ഒരേ സ്‌പോണ്‍സര്‍ക്കു കീഴില്‍ മുപ്പത്തിരണ്ട് വര്‍ഷം ജോലി ചെയ്ത ഹസൈന്‍ ജിദ്ധയില്‍ പുതുതായി എത്തുന്ന പ്രവാസികള്‍ക്ക് എന്നും താങ്ങും തണലുമായിരുന്നു.

നാട്ടിലേക്ക് മടങ്ങുന്ന അദ്ദേഹത്തെ അനുഗമിക്കുന്നതിനായി ഭാര്യ ഖദീജയും മകള്‍ സൂസന്ന സിസിയും നാട്ടില്‍നിന്നും എത്തിയിട്ടുണ്ട്. പുല്ലമ്പലവന്‍ വാട്‌സാപ്പ് ഗ്രൂപ്പിന്റെ ഉപഹാരം നാസര്‍ പുല്ലമ്പലവന്‍ കൈമാറി. ലത്തീഫ് കൊന്നോല, ഇസ്മായില്‍ ബഹ്‌റ, ഇക്ബാല്‍ പുല്ലമ്പലവന്‍, ഇബ്രാഹിം പന്നിയങ്കര, അസീസ് ചെങ്ങാനി, ഷഹാസ് ഡിസ്‌പ്ലേ തുടങ്ങിയവര്‍ സംസാരിച്ചു.