തിരുവനന്തപുരം: തിരുവനന്തപുരത്ത് പ്ലാസ്റ്റിക് ഉല്‍പ്പന്ന ഫാക്ടറിയില്‍ വന്‍ തീപിടിത്തം. മണ്‍വിളയില്‍ പ്രവര്‍ത്തിക്കുന്ന ഫാക്ടറിയിലാണ് തീപിടിത്തമുണ്ടായത്. ഫാക്ടറിക്കുള്ളില്‍ നിന്നും വന്‍ശബ്ദത്തോടെ പൊട്ടിത്തെറികളുണ്ടായി.

അഗ്നിശമനസേന തീയണയ്ക്കാനുള്ള ശ്രമത്തിലാണ്. അപകടത്തില്‍ ആളപായമില്ലെന്നാണ് റിപ്പോര്‍ട്ട്. ഫാമിലി പ്ലാസ്റ്റിക്‌സിന്റെ ഗോഡൗണിലാണ് തീപിടിത്തമുണ്ടായത്. ഒന്നര മണിക്കൂറാണ് തീപിടിച്ചിട്ട്. സമീപവാസികളെ ഒഴിപ്പിക്കാന്‍ ശ്രമിച്ചുകൊണ്ടിരിക്കുയാണ്. മന്ത്രി കടകം പള്ളിയും മേയര്‍ സംഭവസ്ഥലത്തെത്തിയിട്ടുണ്ട്.