സൂറിച്ച്: 2022 ല്‍ ഖത്തറില്‍ നടക്കുന്ന ഫുട്‌ബോള്‍ ലോകകപ്പില്‍ 32 ല്‍ കൂടുതല്‍ ടീമുകളെ പങ്കെടുപ്പിക്കുന്ന കാര്യം പരിഗണിക്കുമെന്ന് ഫിഫ. 2026ലെ ലോകപ്പില്‍ 48 ടീമുകളെ പങ്കെടുപ്പിക്കുമെന്ന് നേരത്തെ തന്നെ ഫിഫ വ്യക്തമാക്കിയിരുന്നു.
ഖത്തര്‍ ലോകകപ്പില്‍ കൂടുതല്‍ ടീമുകളെ പങ്കെടുപ്പിക്കാനുള്ള തീരുമാനം നടപ്പാക്കുകയാണെങ്കില്‍ ഏഷ്യയില്‍നിന്ന് എട്ട് ടീമുകള്‍ക്ക് പങ്കെടുക്കാനാകും. ഇത് ഇന്ത്യ പോലുള്ള രാജ്യങ്ങള്‍ക്ക് സുവര്‍ണാവസരമാകും.
ഇതുവരെ നാലു ടീമുകള്‍ നേരിട്ടും ഒരു ടീം പ്ലേ ഓഫ് വഴിയുമാണ് യോഗ്യത നേടിയിരുന്നത്. ഇക്കാര്യത്തില്‍ ഉടന്‍ തീരുമാനമെടുക്കുമെന്ന് ഫിഫ പ്രസിഡന്റ് ജിയാനി ഇന്‍ഫാന്റീഞ്ഞോ പറഞ്ഞു.