പാണ്ടിക്കാട്: കുടിവെള്ള പൈപ്പുകള്‍ തുടര്‍ച്ചയായി പൊട്ടുന്നത് കുടിവെള്ളം മുടങ്ങാനിടയാക്കുന്നു. വാട്ടര്‍ അതോറിറ്റിയുടെ റൂറല്‍ വാട്ടര്‍ സപ്ലൈ സ്‌കീമിന്റെ ഒറവംപുറം കടലുണ്ടി പുഴക്കരയിലെ പമ്പിങ് സ്‌റ്റേഷനില്‍ നിന്ന് ചൂരക്കാവ് വളരാട് കുന്നിനു മുകളിലെ ഓവര്‍ഹെഡ് ജലസംഭരണിയിലേക്ക് വെള്ളമെത്തിക്കുന്ന പൈപ്പുകളാണ് പൊട്ടുന്നത്. സംഭരണിയില്‍ നിന്നും ജലവിതരണം നടത്തുന്നവയുള്‍പെടെയുള്ള ലൈന്‍ പൈപ്പുകള്‍ മിക്കതും പദ്ധതി പ്രവര്‍ത്തനമാരംഭിച്ച കാഘട്ടങ്ങളില്‍ മണ്ണിനടിയില്‍ നിക്ഷേപിക്കപ്പെട്ടതായതിനാല്‍ കാലപ്പഴക്കത്താല്‍ ജീര്‍ണിച്ച നിലയിലാണ്. മോട്ടോറുകളുടെ ശേഷി വര്‍ധിപ്പിക്കുകയും പമ്പിങ് സമയം ദീര്‍ഘിപ്പിക്കുകയും ചെയ്തതോടെയാണ് പൈപ്പുകള്‍ അടിക്കടി പൊട്ടുന്നത്.