കൊച്ചി: മൂന്നാം പാദത്തില്‍ സ്വര്‍ണത്തിന്റെ ആവശ്യകതയില്‍ നേരിയ വര്‍ധനവ് രേഖപ്പെടുത്തിയെന്ന് വേള്‍ഡ് ഗോള്‍ഡ് കൗണ്‍സിലിന്റെ ഏറ്റവും പുതിയ ഡിമാന്‍ഡ് ട്രെന്‍ഡ്‌സ് ഡാറ്റ വ്യക്തമാക്കി.
ഉപയോക്താക്കളുടെ ആവശ്യകതയില്‍ 13 ശതമാനം വര്‍ധനയുണ്ടായപ്പോള്‍ മൊത്തം ആവശ്യകതയില്‍ ഒരു ശതമാനം മാത്രം വര്‍ധനയേ ഉണ്ടായുള്ളൂ. ആഭരണങ്ങളുടെ ആവശ്യകത മുന്‍വര്‍ഷം മൂന്നാം പാദത്തില്‍ 506 ടണ്ണായിരുന്നെങ്കില്‍ 2018ലെ ഇതേ കാലയളവില്‍ 536 ടണ്ണായിരുന്നു ആവശ്യകത.മുന്‍വര്‍ഷത്തേക്കാള്‍ ആറ് ശതമാനം വര്‍ധന. മൂന്നാം പാദത്തില്‍ സ്വര്‍ണത്തിന്റെ ആകെ വരവ് രണ്ട് ശതമാനം കുറഞ്ഞ് 1612 ടണ്‍ ആയി. നിക്ഷേപത്തിനുവേണ്ടി സ്വര്‍ണം വാങ്ങുന്നത് 21 ശതമാനം കുറഞ്ഞ് 195 ടണ്ണിലെത്തി. കേന്ദ്ര ബാങ്ക് ഡിമാന്‍ഡില്‍ 22 ശതമാനം വര്‍ധനവ് രേഖപ്പെടുത്തി. സ്വര്‍ണവില കുറഞ്ഞിരുന്നതിനാല്‍ ഇന്ത്യ, ചൈന, തെക്കുകിഴക്കന്‍ ഏഷ്യ എന്നിവിടങ്ങളില്‍ ആഭരണ വില്‍പനയില്‍ വര്‍ധനവുണ്ടായി.നാണയങ്ങളുടെ കാര്യത്തില്‍ മുന്‍വര്‍ഷത്തേക്കാള്‍ 28 ശതമാനമായിരുന്നു വര്‍ധനവ്.