മലപ്പുറം, കോഴിക്കോട് ജില്ലകളിലെ പ്രമുഖ ടീമുകള്‍ പങ്കെടുക്കും
വള്ളുവമ്പ്രം: മലപ്പുറം കോഴിക്കോട് ജില്ലകളില്‍ നിന്നുള്ള പ്രമുഖ ടീമുകളെ പങ്കെടുപ്പിച്ച് അരിമ്പ്ര സോക്കര്‍ ലവേഴ്‌സ് ഫോറവും മിഷന്‍ സോക്കര്‍ അക്കാദമിയുടെയും സംയുക്താഭിമുഖ്യത്തില്‍ നടത്തുന്ന കലന്തന്‍ ഹാജി മെമ്മോറിയല്‍ ഇന്റര്‍ ക്ലബ് ആന്‍ഡ് ഇന്റര്‍ കോളജിയേറ്റ് ടൂര്‍ണമെന്റും പൂക്കോടന്‍ നാസര്‍ മെമ്മോറിയല്‍ ഇന്റര്‍ അക്കാദമീസ് ആന്‍ഡ്് ഇന്റര്‍ സ്‌കൂള്‍സ് ഫുട്‌ബോള്‍ ടൂര്‍ണമെന്റും ഇന്ന് അരിമ്പ്ര ജി.വി.എച്ച്.എസ് സ്‌കൂള്‍ ഗ്രൗണ്ടില്‍ നടക്കും.
ഇന്ത്യന്‍ അണ്ടര്‍ 16 ഇന്റര്‍ നാഷണല്‍ ഫുട്‌ബോള്‍ താരം ശാബാസ് അഹമ്മദ് ഉദ്ഘാടനം ചെയ്യും. മൊറയൂര്‍ പഞ്ചായത്ത് പ്രസിഡന്റ് കെ.എം സലീം മാസ്റ്റര്‍ അധ്യക്ഷനാകും. സ്‌കൂള്‍ പി.ടി.എ പ്രസിഡന്റ് സി.എ റഷീദ്, പ്രധാനാധ്യാപകരായ എം.വിലാസിനി, ഷാര്‍ലറ്റ് പത്മം, ജാഫര്‍ താഴേക്കോട് എന്നിവര്‍ സംബന്ധിക്കും. 2.30 മുതല്‍ ആരംഭിക്കുന്ന ഉദ്ഘാന മത്സരങ്ങളില്‍ ആദ്യം അരിമ്പ്ര ജി.വി.എച്ച്.എസ് സ്‌കൂളും ഒളവട്ടൂര്‍ എച്ച്.ഐ.ഒ.എച്ച്.എസ് സ്‌കൂളും പിന്നീട് മലപ്പുറം സോക്കര്‍ ക്ലബും കോട്ടക്കല്‍ അര്‍ബണ്‍ ബാങ്കും തമ്മില്‍ മത്സരിക്കും.