കോഴിക്കോട് : 'ഐ.എസ്, സലഫിസം, ഫാസിസം' എന്ന പ്രമേയത്തില്‍ സുന്നി യുവജന സംഘം സംസ്ഥാന കമ്മിറ്റി നടത്തുന്ന ത്രൈമാസ കാംപയിനിന് നാളെ തുടക്കമാവും. കോഴിക്കോട് കെ.പി കേശവമേനോന്‍ ഹാളില്‍ രാവിലെ 10ന് സമസ്ത സെക്രട്ടറി പ്രൊഫ.കെ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അധ്യക്ഷനാകും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി കോട്ടുമല ടി.എം. ബാപ്പു മുസ്‌ലിയാര്‍ മുഖ്യപ്രഭാഷണം നടത്തും.

അബ്ദുല്‍ഹമീദ് ഫൈസി അമ്പലക്കടവ് (ഐ.എസും വര്‍ത്തമാന കലാ സാഹചര്യവും), റഹ്മത്തുല്ല ഖാസിമി മൂത്തേടം (സലഫിസം: ഇസ്‌ലാമിന്റെ വികൃതമുഖം), പിണങ്ങോട് അബൂബക്കര്‍ (വിഘടനം ഒരു സാമൂഹികവിപത്ത്), അബ്ദുസ്സമദ് പൂക്കോട്ടൂര്‍ (ഫാസിസം ഉയര്‍ത്തുന്ന വെല്ലുവിളികള്‍), നാസര്‍ ഫൈസി കൂടത്തായി (തീവ്രവാദം എതിര്‍ക്കപ്പെടുന്നത് എന്തുകൊണ്ട്?) വിഷയം അവതരിപ്പിക്കും.

കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, എ.വി അബ്ദുറഹിമാന്‍ മുസ്‌ലിയാര്‍, കെ.മോയിന്‍കുട്ടി മാസ്റ്റര്‍, ഹാജി കെ.മമ്മദ് ഫൈസി, മുസ്തഫ മാസ്റ്റര്‍ മുണ്ടുപാറ, സി.എച്ച് മഹമൂദ് സഅദി, കെ.കെ ഇബ്‌റാഹീം മുസ്‌ലിയാര്‍, സത്താര്‍ പന്തലൂര്‍, കെ.പി കോയ പ്രസംഗിക്കും. ജില്ലാ സെമിനാര്‍ ഈ മാസവും സെപ്റ്റംബറില്‍ മണ്ഡലംതല മതേതര കൂട്ടായ്മയും ഒക്‌ടോബറില്‍ മഹല്ല്തലത്തില്‍ പ്രത്യേക ബോധവല്‍ക്കരണ പരിപാടികളുമാണ് കംപയിന്‍ കാലയളവില്‍ നടക്കുക.

വിജയിപ്പിക്കുക:
സമസ്ത

കോഴിക്കോട്: എസ്.വൈ.എസ് സംസ്ഥാന കമ്മിറ്റി നടത്തുന്ന ത്രൈമാസ കാംപയിന്‍ വിജയിപ്പിക്കാന്‍ സമസ്ത കേരള ജംഇയ്യത്തുല്‍ ഉലമാ പ്രസിഡന്റ് എ.പി.മുഹമ്മദ് മുസ്‌ലിയാര്‍ കുമരംപുത്തൂര്‍, ജനറല്‍ സെക്രട്ടറി പ്രൊഫ. കെ.ആലിക്കുട്ടി മുസ്‌ലിയാര്‍ എന്നിവര്‍ അഭ്യര്‍ഥിച്ചു.