തിരുവനന്തപുരം: നാളെ നടക്കുന്ന ഹയര്‍ സെക്കന്‍ഡറി രണ്ടാം വര്‍ഷ തുല്യതാപഠിതാക്കളുടെ ഗാന്ധിയന്‍ സ്റ്റഡീസ് പ്രാക്ടിക്കല്‍ പരീക്ഷാകേന്ദ്രങ്ങള്‍ പുതുക്കി ഉത്തരവായി. അതത് ജില്ലകളില്‍ രജിസ്റ്റര്‍ ചെയ്ത പരീക്ഷാര്‍ഥികള്‍ അതത് ജില്ലയിലെ പരീക്ഷാകേന്ദ്രങ്ങളില്‍ പ്രാക്ടിക്കല്‍ പരീക്ഷക്കായി രാവിലെ 10ന് എത്തിച്ചേരണം.
ഓരോ ജില്ലയിലെയും പുതുക്കി നിശ്ചയിച്ച പ്രാക്ടിക്കല്‍ പരീക്ഷാകേന്ദ്രങ്ങളുടെ പട്ടിക: പത്തനംതിട്ട- സെന്റ് തോമസ് എച്ച്.എസ്.എസ് കോഴഞ്ചേരി, ആലപ്പുഴ- ഗവ. ഗേള്‍സ് എച്ച്.എസ്.എസ് ചേര്‍ത്തല, കോട്ടയം- സെന്റ് അഗസ്റ്റിന്‍സ് എച്ച്.എസ്.എസ് രാമപുരം, ഇടുക്കി- ഗവ. എച്ച്.എസ്.എസ് തൊടുപുഴ, എറണാകുളം- സെന്റ് പീറ്റേഴ്‌സ് എച്ച്.എസ്.എസ് കോലഞ്ചേരി, തൃശൂര്‍- ഗവ. മോഡല്‍ എച്ച്.എസ്.എസ് ഫോര്‍ ബോയ്‌സ് തൃശൂര്‍, മലപ്പുറം- ഗവ. ബോയ്‌സ് എച്ച്.എസ്.എസ് മഞ്ചേരി, കാസര്‍കോട്- ഗവ. എച്ച്.എസ്.എസ് കുട്ടമത്ത്.
എന്തെങ്കിലും കാരണങ്ങളാല്‍ ഹാള്‍ടിക്കറ്റ് ലഭിക്കാത്തവര്‍ക്ക് ഒന്നാംവര്‍ഷ തുല്യതാ പരീക്ഷ എഴുതിയ ഹാള്‍ടിക്കറ്റും സാക്ഷരതാ മിഷന്‍ നല്‍കുന്ന ഐ.ഡി കാര്‍ഡും ഹാജരാക്കി പരീക്ഷാഹാളില്‍ പ്രവേശിക്കാം.
ഒന്നാംവര്‍ഷ പരീക്ഷയുടെ ഹാള്‍ടിക്കറ്റ് കൈവശമില്ലാത്തവര്‍ സാക്ഷരതാ മിഷന്‍ നല്‍കുന്ന ഐ.ഡി കാര്‍ഡിനൊപ്പം ആധാര്‍ കാര്‍ഡ് / ഡ്രൈവിങ് ലൈസന്‍സ് /പാസ്‌പോര്‍ട്ട് /വോട്ടേഴ്‌സ് ഐ.ഡി ഇവയിലേതെങ്കിലും കൈവശം കരുതണം.