വെള്ളമുണ്ട: ബ്രസീലിലെ റിയോ ഒളിംപിക്‌സിനെ വരവേല്‍ക്കാന്‍ ഗവ. മോഡല്‍ ഹയര്‍ സെക്കന്‍ഡറി സ്‌കൂളില്‍ കൂട്ടയോട്ടം സംഘടിപ്പിച്ചു. സ്‌പോര്‍ട്‌സ് ക്ലബ് അംഗങ്ങള്‍, സ്‌കൗട്ട് ആന്‍ഡ് ഗൈഡ്‌സ്, എസ്.പി.സി, ജെ.ആര്‍.സി, എന്‍.എസ്.എസ് എന്നീ വിഭാഗങ്ങളും പൊതു ജനങ്ങളും കൂട്ടയോട്ടത്തില്‍ പങ്കെടുത്തു. രാവിലെ 11ന് ആരംഭിച്ച കൂട്ടയോട്ടം മാനന്തവാടി ബ്ലോക്ക് പഞ്ചായത്ത് പ്രസിഡന്റ് പ്രീത രാമന്‍ ഫ്‌ളാഗ് ഓഫ് ചെയ്തു. വെള്ളമുണ്ട ഗ്രാമ പഞ്ചായത്തംഗം സക്കീന കുടുവ അധ്യക്ഷയായി. പ്രധാനാധ്യാപകന്‍ മമ്മു മാസ്റ്റര്‍, പി.ടി.എ വൈസ് പ്രസിഡന്റ് മുഹമ്മദലി, പ്രിന്‍സിപ്പല്‍ നിര്‍മല ടീച്ചര്‍, സീനിയര്‍ അസിസ്റ്റന്റ് ബിനോയ് കുമാര്‍, സ്‌കൂളിലെ കായിക അധ്യാപിക ആലീസ് ടീച്ചര്‍ സംസാരിച്ചു. അബ്ദുല്‍ സലാം, ഗിരീഷ് കുമാര്‍, കെ.കെ സുരേഷ്, കെ ഹാരിസ്, സുഹൈല്‍ മാസ്റ്റര്‍ നേതൃത്യം നല്‍കി. ഒളിംപിക്‌സ് സ്‌പെഷ്യല്‍ ക്വിസും സംഘടിപ്പിച്ചു.