രാജകുമാരി: ഞെരിപാലത്തിന് സമീപം ഓടിക്കൊണ്ടിരുന്ന കാറിന് തീ പിടിച്ചു. ബൈസണ്‍വാലി സ്വദേശി മേനോന്‍വീട്ടില്‍ ജോബിയുടെ മരുതികാറാണ് ഷോര്‍ട്ട് സര്‍ക്യുട്ടിനെ തുടര്‍ന്ന് കത്തി നശിച്ചത്.
ഇന്നലെ രാവിലെ ഒന്‍പത് മണിയോടുകൂടിയാണ് സംഭവം. രാജാക്കാട് നിന്നും രാജകുമാരിക്കുള്ള യാത്രാമധ്യേ ഞെരിപ്പാലത്തിന് സമീപത്തെത്തിയപ്പോള്‍ വാഹനത്തിന് ഉള്ളില്‍ പുക ഉയരുന്നത് കണ്ടതിനെ തുടര്‍ന്ന് ജോബി ഇറങ്ങി ഓടി. ജോബി മാത്രമാണ് വാഹനത്തില്‍ ഉണ്ടായിരുന്നത്.നടുറോഡില്‍ വാഹനം കത്തിയതിനെ തുടര്‍ന്ന് ഒരുമണിക്കൂറോളം ഗതാഗതം തടസപ്പെട്ടു. പ്രദേശവാസികളും നാട്ടുകാരും ചേര്‍ന്ന് സമീപത്തെ വീട്ടില്‍ നിന്നും വെള്ളമെത്തിച്ചു തീ അണച്ചു.
വെള്ളം ലഭിക്കാന്‍ താമസിച്ചാല്‍ വാഹനം പൂര്‍ണമായും കത്തി നശിച്ചു.വാഹനത്തിന്റെ രേഖകളും കത്തിനശിച്ചു.രാജാക്കാട് പൊലിസ് സ്ഥലത്തെത്തി മേല്‍നടപടികള്‍ സ്വികരിച്ചു.