ഇന്ത്യ തകര്ന്നടിഞ്ഞു; ചാംപ്യന്സ് ട്രോഫി പാകിസ്താന്
ഓവല്: ഇന്ത്യയെ തളച്ച് പാകിസ്താന് ചാംപ്യന്സ് ട്രോഫി സ്വന്തമാക്കി. 180 റണ്സിനാണ് പാകിസ്താന് ഇന്ത്യയെ തോല്പ്പിച്ചത്.
പാകിസ്താന് അടിച്ചുയര്ത്തിയ 339 റണ്സ് വിജയലക്ഷ്യവുമായി ബാറ്റ് ചെയ്ത ഇന്ത്യയ്ക്ക് പൊരുതി നില്ക്കാന് പോലുമാവാതെ 32 ഓവറില് 158 റണ്സ് മാത്രം നേടി കളി അവസാനിപ്പിക്കേണ്ടി വന്നു.
തുടക്കത്തില് തന്നെ പാളിയ ഇന്ത്യയെ ഈ നിലയ്ക്കെങ്കിലും എത്തിച്ചത് ശരവേഗത്തില് അര്ധസെഞ്ച്വറി സ്വന്തമാക്കിയ ഹാര്ദിക് പാണ്ഡ്യയാണ്. 43 പന്തില് നാലു ബൗണ്ടറിയും ആറു സിക്സും സഹിതം 76 റണ്സെടുത്താണ് പാണ്ഡ്യ പുറത്തായത്.
ആദ്യം ബാറ്റ് ചെയ്ത പാകിസ്താന് നിശ്ചിത 50 ഓവറില് നാലു വിക്കറ്റ് നഷ്ടത്തിലാണ് 338 റണ്സെടുത്തത്. ഓപ്പണര് ഫഖര് സമാന്റെ (128) കന്നി സെഞ്ച്വറിയോടെയാണ് പാകിസ്താന്റെ ആക്രമണത്തിന് തുടക്കം. അസ്ഹര് അലി, മുഹമ്മദ് ഹഫീസ് എന്നിവര് അര്ധസെഞ്ച്വറിയും നേടി കരുത്തുകൂട്ടി. ഭുവനേശ്വര് കുമാര്, ഹാര്ദി പാണ്ഡ്യ, കേദാര് ജാദവ് എന്നിവരാണ് ഇന്ത്യയ്ക്കു വേണ്ടി വിക്കറ്റെടുത്തത്.
എന്നാല് മറുപടി ബാറ്റിങിനിറങ്ങിയ ഇന്ത്യയ്ക്ക് തുടക്കം തന്നെ പാളി. മൂന്നാം പന്തില് തന്നെ ഓപ്പണര് രോഹിത് ശര്മ്മ പുറത്തായി. പിന്നാലെ ക്യാപ്റ്റന് വിരാട് കോഹ്ലിയും ക്രീസ് വിട്ടു. പിന്നാലെ ഓരോരുത്തരായി പുറത്താവുമ്പോള് ആകെ തുണയായത് ഹാര്ദിക് പാണ്ഡ്യ മാത്രമാണ്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."