മഞ്ചേശ്വരം: പ്രതിപക്ഷ നേതാവ് രമേശ് ചെന്നിത്തലയുടെ കപട ഹിന്ദു പരാമര്‍ശം അല്‍പ്പത്തരമാണെന്ന് മുഖ്യമന്ത്രി പിണറായി വിജയന്‍. ഹിന്ദുവിന്റെ അട്ടിപ്പേറവകാശം തന്റെ കക്ഷത്ത് ആരെങ്കിലും വച്ച് തന്നിട്ടുണ്ടോയെന്ന് മുഖ്യമന്ത്രി ചോദിച്ചു.

മഞ്ചേശ്വരത്ത് ഇടതു സ്ഥാനാര്‍ഥി വിശ്വാസിയായതാണു ചിലരുടെ പ്രശ്‌നം. ഈ പരിപാടിയില്‍ പോലും മഹാഭൂരിപക്ഷം വിശ്വാസികളാണ്. മഞ്ചേശ്വരത്തെ വോട്ടര്‍മാരുടെ മനസറിഞ്ഞതിനാലാണു സ്ഥാനാര്‍ഥിയെ ആക്ഷേപിക്കുന്നത് മുഖ്യമന്ത്രി ചൂണ്ടിക്കാട്ടി.

[video width="640" height="360" mp4="http://suprabhaatham.com/wp-content/uploads/2019/10/vedeo.mp4"][/video]

ഉപതെരഞ്ഞെടുപ്പില്‍ വര്‍ഗീയ കാര്‍ഡ് ഇറക്കാന്‍ ശ്രമം നടന്നുവെന്നും മുഖ്യമന്ത്രി പറഞ്ഞു. മഞ്ചേശ്വരം ഖത്തീബ് നഗറില്‍ എല്‍.ഡി.എഫ് സ്ഥാനാര്‍ഥി ശങ്കര്‍ റൈയുടെ തെരഞ്ഞെടുപ്പ് പൊതുയോഗം ഉദ്ഘാടനം ചെയ്തുസംസാരിക്കുകയായിരുന്നു അദ്ദേഹം.