കണ്ണൂര്‍: മുന്‍ മുഖ്യമന്ത്രി ഉമ്മന്‍ചാണ്ടിയെ കണ്ണൂരില്‍ കല്ലെറിഞ്ഞ കേസില്‍ 87 പ്രതികള്‍ കോടതിയില്‍ ഹാജരായി. കേസിലെ 114 പ്രതികളും ഹാജരാകണമെന്നു കഴിഞ്ഞ ദിവസം കണ്ണൂര്‍ സബ് കോടതി നിര്‍ദേശിച്ചിരുന്നു.
ഇന്ന് ഹാജരാകാത്തവര്‍ വക്കീല്‍ മുഖേന അവധിക്ക് അപേക്ഷിച്ചു. കേസില്‍ പ്രതികളായ സി. കൃഷ്ണന്‍ എം.എല്‍.എ, മുന്‍ എം.എല്‍.എ കെ.കെ നാരായണന്‍ തുടങ്ങിയവര്‍ കോടതിയില്‍ ഹാജരാകാത്തതിനെ തുടര്‍ന്ന് കേസ് ഡിസംബര്‍ 20ലേക്ക് മാറ്റിവച്ചു. ഹാജരായ പ്രതികളുടെ ഓരോരുത്തരുടെയും പേരു വിളിച്ചാണ് കോടതി കേസ് പരിഗണിച്ചത്. വന്‍ ജനാവലിയാണു കോടതി പരിസരത്ത് തടിച്ചു കൂടിയത്.