തിരുവനന്തപുരം: ഇന്ത്യയിലെ ഏറ്റവും വലിയ സീഫുഡ് കയറ്റുമതി സ്ഥാപനങ്ങളിലൊന്നായ ബേബി മറൈന്‍ ഗ്രൂപ്പ്ഓണ്‍ലൈന്‍ സീഫുഡ് സ്‌റ്റോറായ ഡെയ്‌ലി ഫിഷ് തിരുവനന്തപുരത്തും അവതരിപ്പിച്ചു.
മുറിച്ച് വൃത്തിയാക്കിയ വിവിധയിനം റെഡി-ടു-കുക്ക് മത്സ്യങ്ങളും മറ്റ് സമുദ്രോല്‍പ്പന്നങ്ങളും വീട്ടുപടിക്കല്‍ എത്തിച്ചു നല്‍കും.ഡെയ്‌ലി ഫിഷ് സമുദ്രോല്‍പ്പന്നങ്ങള്‍ ക്രമേണ ഇന്ത്യയിലെ മറ്റിടങ്ങളിലേയ്ക്കും വ്യാപിപ്പിക്കുമെന്ന് വിപണനോദ്ഘാടനച്ചടങ്ങില്‍ സംസാരിച്ച ബേബി മറൈന്‍ സീഫുഡ് റീടെയില്‍ മാനേജിങ് ഡയറക്ടറും സി.ഇ.ഒയുമായ അലക്‌സ് കെ. തോമസ് പറഞ്ഞു. തിരുവനന്തപുരത്ത് നടന്ന ചടങ്ങില്‍ ഹോട്ടല്‍ ടാജ് വിവാന്റയിലെ ഷെഫ് ജോസ് ഡെയ്‌ലി ഫിഷിനുള്ള ആദ്യ കോര്‍പറേറ്റ് ഓര്‍ഡര്‍ നല്‍കി.