മട്ടന്നൂര്‍: പഴശ്ശിരാജ എന്‍.എസ്.എസ് കോളജ് ആര്‍ട്‌സ് ഫോറം അരങ്ങിന്റെയും സ്പിക്മക്കേയുടെയും ആഭിമുഖ്യത്തില്‍ നടത്തുന്ന ആറു ദിവസം നീണ്ടു നില്‍ക്കുന്ന ദേശീയ ശില്‍പ്പശാല മൂന്നാംദിനത്തിലേക്ക്. ഒന്‍പതിനു പരിശീലന പരിപാടി സമാപിക്കും.
ഉത്തരേന്ത്യയിലെ പ്രശസ്ത കലാരൂപമായ കഥക് നൃത്തം ലോക പ്രശസ്ത കഥക് നര്‍ത്തകി ആരതി ശങ്കര്‍ വിവരണങ്ങളോടെ കുട്ടികളെ പരിശീലിപ്പിച്ചു. കലാമണ്ഡലം ഹരിനാരായണന്‍  കഥകളി മുദ്രകളെക്കുറിച്ച് വിശദീകരിച്ചു. രഞ്ജിത്ത് ചാക്യാര്‍ (കൂടിയാട്ടം), ദീപ ശശീന്ദ്രന്‍  (കുച്ചിപ്പുടി),  കെ.കെ. രാമചന്ദ്ര പുലവര്‍ (തോല്‍പ്പാവകൂത്ത്) എന്നിവര്‍ പരിശീലനം നല്‍കി.