മലപ്പുറം: രോഗപ്രതിരോധ പ്രവര്‍ത്തനങ്ങള്‍ക്കും അടിയന്തിര സാഹചര്യം നേരിടുന്നതിനുമായി സര്‍ക്കാര്‍ 19 ലക്ഷം രൂപ അനുവദിച്ചതായി ഡി.എം.ഒ ഡോ. സക്കീന അറിയിച്ചു. പനി ബാധിതര്‍ക്കു കാര്യക്ഷമമായി ചികില്‍സ ലഭിക്കുന്നതിനു സ്വകാര്യ ആശുപത്രികള്‍ ഉള്‍പ്പെടെയുള്ള എല്ലാ സ്ഥാപനങ്ങള്‍ക്കും ട്രീറ്റ്‌മെന്റ് പ്രോട്ടോകോള്‍ നല്‍കിയിട്ടുണ്ട്.
മെറ്റേണിറ്റി ലീവിലും മറ്റ് അവധികളിലുള്ള ഡോക്ടര്‍മാര്‍ക്കു പകരം സേവനം നല്‍കുന്നതിന് 44 ഡോക്ടര്‍മാരെ നിയമിക്കുന്നതിനുള്ള അനുമതി ആവശ്യപ്പെട്ടിട്ടുണ്ട്. ഇതു ലഭ്യമായാല്‍ ഉടന്‍ നിയമനം നടത്തും. പകര്‍ച്ചപ്പനി തടയുന്നതിനുള്ള ഏറ്റവും പ്രധാനപ്പെട്ട മാര്‍ഗം കൊതുക് നശീകരണമാണ്. ഇതിനായി ജനങ്ങള്‍ മുന്നിട്ടുറങ്ങണമെന്നും ഡി.എം.ഒ അറിയിച്ചു.