ന്യൂഡല്‍ഹി: ഇന്ത്യന്‍ ക്രിക്കറ്റ് ടീമിനും താരങ്ങള്‍ക്കുമെതിരേ കേരളത്തില്‍നിന്ന് വധഭീഷണി. കോഴിക്കോട് ആസ്ഥാനമായിട്ടുള്ള ഓള്‍ ഇന്ത്യ ലഷ്‌കര്‍ എന്ന സംഘടനയുടെ പേരിലാണ് കത്ത് ലഭിച്ചതെന്ന് ഡല്‍ഹി പൊലിസ് വ്യക്തമാക്കി. കോഹ്‌ലി അടക്കമുള്ള താരങ്ങള്‍ക്കെതിരേ വധഭീഷണി മുഴക്കിയാണ് കത്ത് ലഭിച്ചിട്ടുള്ളത്. ബംഗ്ലാദേശിനെ നേരിടാനൊരുങ്ങുന്ന ഇന്ത്യന്‍ ടീം ഇപ്പോള്‍ ഡല്‍ഹിയിലാണ്.
അതേസമയം, കത്ത് വ്യജമാണോ അല്ലയോ എന്ന് ഉറപ്പില്ലെങ്കിലും സുരക്ഷ വര്‍ധിപ്പിക്കാന്‍ തന്നെയാണ് ഡല്‍ഹി പൊലിസിന്റെ തീരുമാനം. എന്‍.ഐ.എ സുരക്ഷാ ഭീഷണിയെ കുറിച്ച് ബി.സി.സി.ഐയെ അറിയിച്ചിട്ടു@്. പ്രധാനമന്ത്രി നരേന്ദ്ര മോദി, ഇന്ത്യന്‍ പ്രസിഡന്റണ്ട് റാം നാഥ് കോവിന്ദ്, കേന്ദ്ര മന്ത്രി അമിത് ഷാ, ലാല്‍ കൃഷ്ണ അദ്വാനി എന്നിവര്‍ക്കും സുരക്ഷാ ഭീഷണിയു@െണ്ടന്ന് അജ്ഞാത കത്തില്‍ പറയുന്നു@ണ്ട്. കത്തിന്റെ ഉറവിടത്തെ കുറിച്ച് അറിയില്ലെന്നും മറ്റേതെങ്കിലും കാര്യത്തില്‍ ശ്രദ്ധ തിരിക്കാനാകുമോ എന്നത് വ്യക്തമല്ലെന്നും ഡല്‍ഹി പൊലിസ് അറിയിച്ചു. വരും ദിവസങ്ങള്‍ ഇക്കാര്യത്തില്‍ കൃത്യമായ വിവരം ലഭിക്കുമെന്ന് ഡല്‍ഹി പൊലിസ് വ്യക്തമാക്കി.