കൊച്ചി: അടിമാലിയിൽ കെഎസ്ആർടിസി ബസ് നിയന്ത്രണം വിട്ട് മറിഞ്ഞു. ഇരുമ്പുപാലം ചെറായി പാലത്തിന് സമീപമാണ് അപകടം നടന്നത്. റോഡിൽ നിന്ന് തെന്നിമാറിയ ബസ് താഴ്ചയിലേക്ക് മറിയുകയായിരുന്നു.

മൂന്നാറിൽ നിന്ന് എറണാകുളത്തേക്ക് പോകുകയായിരുന്ന ബസാണ് അപകടത്തിൽ പെട്ടത്. ഭാഗ്യവശാൽ ആർക്കും പരിക്കേൽക്കാതിരുന്നതിനാൽ വലിയ ദുരന്തം ഒഴിവായി. രക്ഷാപ്രവർത്തനം നടത്തിയ അധികൃതർ ബസ് ക്രെയിൻ ഉപയോഗിച്ച് മാറ്റാനുള്ള നടപടികൾ ആരംഭിച്ചു.