കൊട്ടാരക്കര: ചന്തയില്‍ ഇന്നലെ രാവിലെ തഹസില്‍ദാരുടെ നേതൃത്വത്തില്‍ മിന്നല്‍ പരിശോധന നടത്തി. ഇറച്ചിക്കടകളിലും മത്സ്യചന്തയിലും ക്രമക്കേടുകള്‍ കണ്ടെത്തി. മിക്ക കടകളിലെയും അളവ് തൂക്ക ഉപകരണങ്ങള്‍ കൃത്യത ഉള്ളവ ആയിരുന്നില്ല.
ഉദ്യോഗസ്ഥരെ കണ്ട് ഒളിപ്പിക്കുവാന്‍ ശ്രമിച്ച ത്രാസുകള്‍ കൈയോടെ പിടികൂടി. പതിനഞ്ച് കേസുകള്‍ രജിസ്റ്റര്‍ ചെയ്തു. വരും ദിവസങ്ങളിലും നടപടി തുടരുമെന്ന് തഹസില്‍ദാര്‍ ബി അനില്‍ കുമാര്‍ പറഞ്ഞു. കഴിഞ്ഞ ദിവസം താലൂക്കാഫീസില്‍ നടന്ന വിവിധ വകുപ്പുകളുടെ അവലോകന യോഗത്തില്‍ പരിശോധന കര്‍ശനമാക്കുവാന്‍ ആര്‍.ഡി.ഒ. ബി. ശശികുമാര്‍ നിര്‍ദ്ദേശം നല്‍കിയിരുന്നു.
തഹസില്‍ദാര്‍ ബി. അനില്‍കുമാര്‍, ലീഗല്‍ മെട്രോളജി ഇന്‍സ്‌പെക്ടര്‍ എം.എസ്. സന്തോഷ്, അസിസ്റ്റന്റ് ഇന്‍സ്‌പെക്ടര്‍മാരായ ജാക്‌സന്‍ കുഞ്ഞച്ചന്‍, മധു, പത്തനാപുരം ലീഗല്‍ മെട്രോളിജി ഇന്‍സ്‌പെക്ടര്‍ അലക്‌സാണ്ടര്‍, കൊല്ലം അസിസ്റ്റന്റ് കന്‍ട്രോളര്‍ പി. ശശി, ഡെപ്യൂട്ടി തഹസില്‍ദാര്‍ കെ.ജി. സുരേഷ്‌കുമാര്‍, സുദര്‍ശനന്‍, സന്തോഷ്‌കുമാര്‍ പങ്കെടുത്തു.