കണ്ണൂര്‍: എസ്.എഫ്.ഐ, ഡി.വൈ.എഫ്.ഐ പ്രവര്‍ത്തകരെ ആക്രമിച്ച കേസില്‍ നാലുപേരെ സിറ്റി പൊലിസ് അറസ്റ്റുചെയ്തു.
സിറ്റിയിലെ അഞ്ചക്കണ്ടി തലക്കല്‍ ഷമല്‍(28), തായത്തെരുവിലെ ജംഷീര്‍(30), സിറ്റിയിലെ അമിനാസ് പുതിയപുരയില്‍ മുഹമദ് ഷൗക്കത്തലി(30) എന്നിവരെയാണ് അറസ്റ്റു ചെയ്തത്.
കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്തു. കഴിഞ്ഞ ജൂണ്‍ 19നാണ് കേസിനാസ്പദമായ സംഭവം.
എസ്.എഫ്.ഐ ജില്ലാ ജോ.സെക്രട്ടറി എ.പി അന്‍വീര്‍, ഡി.വൈ.എഫ്.ഐ പ്രവര്‍ത്തകനായ ഷിബിന്‍ കാനായി തുടങ്ങിയവരെ പ്രതികള്‍ വെട്ടിപ്പരുക്കേല്‍പ്പിക്കുകയായിരുന്നു. കഴിഞ്ഞ ദിവസം വൈകുന്നേരമാണ് സിറ്റി സി.ഐ പ്രമോദിന്റെ നേതൃത്വത്തിലുള്ള പൊലിസ് സംഘം പ്രതികളെ അറസ്റ്റു ചെയ്തത്.